titi仲有兩聲咳 有冇好心人可以話我知 點化痰止咳呀?
再睇醫生? 食佘仁生嗰隻猴棗散? 定係佢會慢慢冇痰?
佢依家咳得唔勁 但一咳就有痰呀 我應該點做呢? 
今日mami唔洗返工呀 ti爸唔洗講sat一向都off架 
同titi洗白白 餵埋愛心粥粥 ti爸出去買sushi返嚟當lunch
依家genki sushi做緊會員八折呀 $16x嘅sushi埋單都係 $12x
好抵食 ti爸話個offer做到月尾咋 要食多次先得
titi同mami未到兩點都叫要出街 兩個街精煩爆ti爸
哈哈 最後 可憐嘅ti爸唯有提議出征香港公園
我地唔洗15分鐘就去到咯 titi一見花花草草就好興奮
mami初初仲好熱衷咁同titi影相架 但之後.....
哇 點解咁熱架 唔係曬 係好焗好悶咁 汗係咁流
Oh My god god!!! 都係走人 所以冇去到另一邊lu
大把機會嚟啦 下次先同titi去兒童遊樂場啦 
離開香港公園 我地去左pacific place食burger呀
好好味嘅菇菇burger set 雖然貴d ($6x) 但我好鐘意食
你睇titi望到實一實就知好味啦
之後就踩左去seibu 買左titi嘅九個月禮物 哈哈
超級靚 mami鐘意左好耐 諗左好耐買唔買比titi好架
今日終於"的"起心肝買左lu 好野 好野
行到去chanel睇銀包 個staff好好人呀
miu miu都好nice笑笑口 最衰都係LV 串到爆
人地海港城間分店咁多人問野睇野 d staff都未至於串
依家好巴閉咩 扮見唔到人 人地叫佢又扮聽唔到
不如學人地歐洲LV shop咁掛個"VIP day"出嚟咯 笨
沒有留言:
張貼留言