一連出兩篇blog都係同打羽毛球有關嘅...
十二月二十八日
十五個月至十六個月閒記
玩左咁多日 去到假期最後一日已經好攰喇
今日一於喺荃灣好好休息下
喺愉景新城陪婆婆飲完茶 就落樓下玩thomas game
消費滿二百蚊 就有張thomas game card 可以去玩八個game
tima本來想同titi去玩thomas跳彈床架 但d人好狼死
真係驚titi入去未跳都比人踩扁左喇
於是就淨係換棉花糖同玩圈圈game
titi一見枝棉花糖就當掃巴 係咁掃 救命呀!!! 好浪費呢
而圈圈方面 titi成功入晒d圈圈 就有份小小禮物
今次喺thomas show裡面 聰少買左個鐵片琴比衰豬
繼上次聖誕禮物送鼓 今次再送琴 想tima屋企永無寧日?
啍 好難喇 依家個琴放左喺婆婆度 yeah!!!
離開愉景新城 我地一車人去左會所打羽毛球呀
我地嚟個四人對戰 tima tiba yee ee 聰少.....
呢次係titi第一次接觸羽毛球 佢好好奇呢 仲成日叫我地比佢 " 打"
tima好耐冇打過羽毛球喇 今次一打 我地四個都上左癮呢
打完羽毛球 yee ee同tima嘅shopping癮出晒嚟
決定去行街 tiba心血來潮 ~ 東涌東薈城
行晒所有outlet 我地話過 唔會再去呀!!!
有咩可能仲貴過出面d新貨呢? 明明係outlet喎 搵笨咩
離開前 都喺東薈城影返張聖誕相 證明假期到此一遊 嘻嘻 好無聊
返到婆婆屋企 我地叫pizza食 最好味嘅PHD
等pizza嘅同時 tima發現...titi揸左條蕉好好好耐呀 咭咭
好一個著住士多啤梨嘅香蕉少b女...
一月一日 titi十六個月喇!!!
十六個月至十七個月閒記
新年快樂 開心2009 健康2009 順利2009!!!
新嘅一年 tima會更努力做一個好媽媽
新嘅一年 titi要應付人生第一個interview
新嘅一年 titi開始返學 tima要努力陪titi學習
新嘅一年 未開學之前 titi要陪tima去多次旅行啊 嘻嘻
旅行嘅地方 時間 地點 人物都諗好晒
去埋今次旅行 titi要返學lu 到時去旅行要諗多樣野呢
十二月三十一號晚 我地喺ti婆屋企打邊爐
跟住就一邊睇電視 一邊玩大富翁
最初tiba同聰少唔想玩大富翁 一味喺度對打psp
喺tima同yee ee催促下 終於陪我地玩
之後...玩得最癲 最high就係佢地兩個呀 低b架...
衰豬見咁多人唔肯訓 於是同我地一齊數到2009
數完就喺婆婆屋企覺豬 mami同ti爸就浪漫地回家過二人世界 呵呵
一月一日 我地一早就去荃灣接衰豬
食完雲貴軒米線 就揸車去左西貢
今次titi明顯地認得西貢 邊度有"汪汪" 邊度有海都認得呀
titi : 等我餵魚魚食飽飽先
titi : 媽咪...得喇 呢度我熟晒地頭啦 自己行得喇
titi : 我對眼夠唔夠大呀?
一家人傾住計 慢慢行去石灘嗰邊 好舒服啊...
仲可以睇下浪 比titi見多d大自然 學多d野
離開石灘 titi開心咯 因為我地去打韆鞦
仲要去食佢最愛嘅香蕉班戟呢...
離開西貢 我地去會所打羽毛球
事隔幾日 titi扮得似模似樣喇
一手揸實球拍 一手擺個波上去
最搞笑係 佢識企喺少一個人嗰邊架 (四人對戰 佢企喺單丁嗰邊)
會所嘅兒童天地 ~ titi嘅蒲點
今晚兒童天地出面 仲有聖誕佈置
titi 你可以擺個pose嗎?
沒有留言:
張貼留言