一月二十八日 年初三
十六個月至十七個月閒記
是日精選照片 好大個女啊!!!
上回講到 逛完士多啤梨園
其實行多兩步就到粟米園架喇
一大片粟米田 好香草味呢 d泥都唔濕 比想像中好
二十蚊可以摘三棵 聰少同yee ee積極咁搵大粟米
titi就好無奈陪我地揀 揀 揀
終於有一棵好大好靚嘅呢 titi對d粟米so好有興趣
tima都係第一次摘粟米咋 原來唔可以用蠻力架 只可用陰力
摘完之後 我地仲即刻返去燒粟米 好甜呢!
食緊粟米 見佢地飲菊花茶 都係十二蚊枝咋
燒到咁上下 坐唔定嘅tima再抱titi去玩咯
聰少同yee ee都一齊去!!! 第一個吸引titi嘅地方
梗係兒童遊樂場啦 所謂嘅兒童遊樂場 根本就係繩索王國
一個好大好大嘅繩索王國 大到聰少可以玩左十分鐘
而titi就一味喺下面"hi"佢 以示鼓勵
除左繩索 都有滑梯 同韆鞦嘅 但就好多沙...
所以titi滑左一次 就唔比佢滑lu
titi 你得唔得架? 唔好夾硬嚟喎
離開兒童遊樂場 我地行左去搵鱘龍魚
一個好大好黑嘅池 睇左好耐 好耐 好耐先見到條鱘龍
點解呢條鱘龍住得咁差 海洋公園嗰條住得咁好
但海洋公園嗰條會有事呢? tima沈思左一陣 都冇答案
鱘龍池對面有個人踏運水機 一見到就個個都爭住玩
足足消磨左我地幾個字時間呀 但d水...都好似好污濁咁呀
行多陣就見到鴕鳥園 好臭好臭好臭呀
titi見到鴕鳥 經我地教導下 依家識呢"隻野"叫"鴕鴕"喇
佢一味叫"鴕鴕" ....摸摸" ..."摸鴕鴕"...
囡呀囡 好臭呀 唔摸喇 走吧啦....
之後我地就去冒險呀!!! 去邊度? 蝙蝠洞是也
初初以為蝙蝠洞係一個有幾隻蝙蝠嘅地方 原來...
一路行一路好驚呀!!! 一條山路行上去 d樹營造到好陰沉
行左十分鐘 見到蝙蝠洞喇
好緊張呀 好驚呀 好似好多蛇蟲鼠蟻喺附近咁嘅
拿 漁農署都有叫人唔好行咁埋 不如走啦...
喂 唔好睇喇 走啦
titi仲扮大膽叫佢地睇
但其實聰少話佢好驚架 yee ee又要驚又要昅
洞裡面有流水 濕濕的 最啱蝙蝠生活
離開個洞 去到一個好靚嘅城堡休息地方
同titi影兩張相先
之後喺tiba急call下 我地堅持去埋瀑布
可惜去到條瀑布乾晒水 噢 冇得影 唯有返去燒烤場地啦
坐左一陣 tiba建議我地去玩埋d套票 哎呀 係喎
tima唔記得左d套票呀 於是拿拿聲吹雞叫人去坐牛車
好多人等牛車呀 等緊嘅時間 titi對啱啱收工嘅牛師兄好有興趣
佢都係第一次咁近見到牛牛咋 超級好奇
傻豬 牛食左咁多草 梗要放返d出嚟架啦
我地睇住佢開大 個場面都好震撼架
排左幾分鐘 到我地喇 一 二 三 上車!!!
e 咪住 個個上晒車邊個幫我地影相呀?
聰少二話不說拎部相機比拉車阿伯
阿伯見咁大部相機好似好開心咁
仲叫我地笑tim
第一張....嗯 阿伯 影我地呀 唔係影隻牛呀
你.....focus左喺隻牛度呀...嘻嘻....唔緊要 阿伯話再嚟一張
thanks 拉車伯伯真係好人喇
唔該晒再嚟一張
伯伯今次好有信心咁叫 準備
1
2
3
???????????????????????????
伯伯 嗰兩個唔係我地d親戚嚟架!!! 可以唔洗影佢地
mami覺得全張相 最清楚係隻牛同聰少...
坐喺牛車度d風吹埋嚟好爽呀 阿伯都係啱揸車多d
坐完車車 天暗了 tiba送公公婆婆先走
而我地呢? 就同titi喺停車場度等
其間 titi嫲嫲拎左頂冷帽出嚟比titi試戴
睇過? 真係錯 幾襯今日套衫喎
再見喇 大棠荔枝園
我地幾個嘅第一次都比左你咯
沒有留言:
張貼留言