三月十四日
十八個月至十九個月閒記
本來唔洗返工嘅星期六應該好開心
可惜一早要陪阿ti去做interview
最後一間 亦係tima心儀嘅幼兒園
港島區好多家長都揀呢間幼兒園 所以去到絕無欺場
好多好多人呀 多家長 多bb 連老師都特別多
今次同行做interview嘅仲有鋒仔呀 細阿ti少少 但都好高大
佢地兩個唔知會唔會做到同學仔呢?
好快就到阿ti見老師喇 老師叫titi分杯同碗
titi玩左一陣野 先施施然拎起隻杯 " 杯杯"
老師叫佢比媽媽 titi望一望我 交隻杯比我 仲話 "比...mami"
老師叫titi拍手鼓勵自己 titi都有做 喺度大力拍手
之後老師拎左幅畫出嚟 有巴士 有電話
titi二話不說指住巴士 "巴士" 老師再問有關電話
titi好興奮張開手掌 用手指篤手掌 一邊講 " 嘟嘟嘟...喂"
講"喂"嗰陣將手擺喺耳邊 扮講電話
老師明顯對呢個present方法好滿意
tima打蛇隨棍上 問titi叫咩名 titi好清楚講自己嘅中文名
去到呢度 tima知道得米喇 老師最後再test埋佢講bye bye
thanks god! 雖然初初titi玩野喺度舞隻杯同碗
但後嚟總叫做晒所有嘅野 仲送多個自選動作 叫自己個名丫
等收信 ... 鋪嘅第一條路 應該touch wood吧...
ps: 上次嗰間幼兒園test嘅野仲深過呢間呢...
interview完左 就去玩網球 同埋打機
titi對運動都好有興趣 揸住塊拍同波唔捨得放手...
呢張相見到titi嘅酒窩呀 同tima嘅一樣
玩左兩野 tima見titi好悶就陪佢去玩slide咯...
好攰嘅聰少同tiba 仲可以上樓打機
三點一打就打到九點...
titi呢? 就好忙咁搬野 搬嚟搬去 但唔知搬嚟做乜
隻臭豬笑得幾開心!
咁就玩左一日啦 嘻嘻
沒有留言:
張貼留言