一月一日
二十八個月至二十九個月閒記
心血來潮 好想去未去過嘅錦田鄉村俱樂部
難得冇人反對 就一於去元朗玩一日啦
九十八蚊一位 地方夠大 食物唔錯 燒左一陣 就決定下次會encore喇!
最緊要夠多太陽傘 夏天都唔洗驚曬
除左扒 腸仔 雞翼呢d大路野
特別嘅係嗰度d錫紙可以任攞 用嚟包蕃薯呀 菜呀 粟米呀 矮瓜呀
蒜蓉 牛油 同其他調味都大量供應 可以點調味都得呀
d爐都唔錯 夠新夠深 tiba最鐘意燒野食
阿ti就最鐘意食 佢食緊嘅係金沙骨 一致公認全場最美味是也
一對新人食咩都甜 但yeee揸住嘅粟米更甜 勁好味!!! (落左牛油)
食左一陣 聰少租左波波呀 我地霸左個龍門仔比阿ti玩
兩個都咁好腳法 追屎tima喇!!!!
少林足球 睇下阿ti點玩個波 有鬼影架! 勁呀!
阿ti看準 一腳踢埋去 聰少爭d接唔到 哈哈哈!
喂喂喂! 唔準大蝦細喎 邊有咁奸架 阿ti邊夠你玩呀?
放返低佢呀!!! 比佢落地踢!!!!!
到阿ti做守龍門 真係守到架!
慢慢行都守到 哈哈哈哈哈哈哈!!!
點解無啦啦影蕃茄? 因為佢地爭d一個波飛埋去 嚇屎人!
燒完野食就周圍睇野 塘蚤池裡面住左好多條大大大塘蚤
另外有山羊小天地 我地去到隻羊走左出嚟
哈哈 臭豬好驚隻羊 而tima都好驚 因為好鬼臭 ~_~
陰公豬咯 淨係食枯葉 冇啖好食咁...
仲有賓尼兔同松鼠 阿ti好鐘意 而tima都係覺得好臭 ~_~
最後玩埋電單車就走咯 呢個電單車場地一流 真係好好玩架!
太多人玩彈彈床 我地唯有同佢玩電單車啦 佢玩得好開心呀!
tima深信 我地會好快再去呢個俱樂部嘅 等我地呀!!!
沒有留言:
張貼留言