三月十六日
三十個月至三十一個月閒記
婆婆生完日 到舅公生日咯
經過姑姐精明挑選後 近近地去左杏花新城嘅稻香
阿ti病完 心情靚到爆
(之前條脷生晒痱滋 兩大一細 痛到三日食唔到野 好心酸...)
小朋友病 大人最唔開心 依家佢咁嘅樣就最好喇
仲開心到同舅公敬酒 仲唱生日歌比舅公聽tim 真聽話
最抵錫都係你咯 嫲嫲見到咁都好開心呢!
稻香呢圍飯好唔好食? 睇阿ti就知喇 係咁講 : very good!
tima心諗 係唔係你太耐冇食過野咋?
哈哈 但講真 都唔錯嘅
有表叔喺度 阿ti心情永遠最靚 最鐘意嘉言喇!
睇下 笑容都特別靚 人都特別醒神架!
稻香呢圍真係唔錯 終於明白上次婆婆生日飯間酒樓冇人去
原來稻香做緊特價餐 真係抵食 半圍六百幾咋 一圍就千一
我地上次間酒家要一千蚊半圍 所以少d人去咯...
舅公 生日快樂呀!
沒有留言:
張貼留言