2010‧12‧26
沙田節
一直都想同阿ti去睇小馬馬
可惜成日miss左馬場d open day
今個聖誕終於有機會喇
返工搭巴士見到沙田社區搞左個嘉年華
裡面除左有好多野玩之外 仲有小馬馬供合照
yeah! 即刻攞門票出發!
阿ti一聽到會見到小馬馬 即刻興奮無比
一入到去就衝住要排呢個sir sir先
~_~" 頭見唔係話睇馬馬先架咩?
唉
唯有tima去排住小馬馬條合照隊先啦
佢地玩完先join tima
tiba話呢個sir sir唔夠cyberport嗰個咁好玩喎
多人又太跣
yeah!!!!排左半個鐘 (中間小馬要食草 所以耐d)
到我地喇 ponies好cute呀
特別係tima旁邊嗰隻 對腳好似著左 boot咁架
搞到tima忍唔住自己同佢合照一張!
影完小馬
阿ti雙眼發光 向住一個方向走左去
哦 原來見到大馬馬
d大馬馬有得比人騎架
著裙嘅tima都好想玩!!! 可惜著裙冇得玩
唯有叫honey去做代表啦...
哇 原來落馬冇樓梯 要sir落嚟
好彩tima冇玩啫 如果唔係實好驚
冇得騎 tima用左好多番唇齒
先lum掂個叔叔比我地同大馬合照咋
本來唔比架 多謝叔叔!
跟住行左全場
其他野都唔太啱阿ti玩
諗住走嘅時候
比阿ti發現小丑姐姐
阿ti指住姐姐大叫 : Jack in the box呀!
(返學唱嘅小丑英文歌 識唱晒全首架喇)
姐姐問佢要咩波
阿ti : 我要白雪公主
姐姐話冇白雪公主 可唔可以要其他?
阿ti : 我要cinderella
姐姐 ~_~"....
tima解圍 :比隻兔仔佢啦
姐姐: 係咯 兔仔靚丫嘛 兔仔好
tima : ~_~"""""
阿ti揸住個波 : snow white嚟架 白色呀
tima : ~_~""" 點解阿女咁固執? 好一個白痴 (白雪痴心fans)
我地過左happy嘅半日 多謝沙田社區
下次有呢d嘉年華都要預埋我地呢d港島區民呀 hehehehe
沒有留言:
張貼留言