林村嘉年華

 

2011‧2‧12

林村節

 

新年去林村許願係好多人會做嘅野

本來我地都想新年假期去

但後尾見有林村嘉年華 就等多一個星期先出發

 

個嘉年華比平日多d檔口 多d野食賣

 

兩父母喺咁睇人地d米通呀 花生呀

好似好肚餓咁

 

阿ti比人鬧咯

梗係啦 小朋友要拖住大人嘛

比tiba訓話中

 

唔好睇阿ti人仔細細 真係好食得架

見咩食咩 食量同身形成反比

見到魚旦就叫公公買

 

話咁快食淨兩粒 你睇幾開心

 

yeah 食完就擲寶牒咯

阿ti話要擲橙橙

tima話擲橙橙之前要寫祝福語落許望紙度架

阿ti無厘頭一句 : 係唔係寫完聖誕老人就會見到架喇?

tima ~_~" : 唔係 寫左之後去擲橙橙

如果橙橙掛喺樹度 你嘅wish就會實現架喇

 

阿ti : 哦 咁我寫啦

阿ti攞住枝筆 tima先見到原來依家先進到有格仔tick架

車 全部tick晒咪得咯 hehehehe

 

阿ti : are you ready?

最後阿ti擲唔中樹樹

反而好大力咁擲中個男人  (水平線車過去 哈哈哈)

個男人 : 哎呀 一聲

我地即刻笑到收唔到聲

好似好哀咁tim 但真係好好笑

阿ti好似睇住個男人擲出去咁架 中晒!

 

見唔見到tiba想幫阿ti接住個橙?

哈哈 真係好好笑

 

tiba就唔同呢 一擲就掛喺樹度喇

 

@_@"

仲比阿ti擲?

 

擲完橙

民族大嬸出嚟表演喇

 

同完靚嬸影完相

阿ti同我地玩許願燈

佢自己揀燈嘅顏色tim

經過許願廊 我地去到許願池

 

哇 好多人放喇

 

工作人員點完火

阿ti放許願燈

阿ti一路都跟住許願燈行

轉左一個圈喇

阿ti仲認得自己盞燈

陪住燈燈行 直至火熄滅為止

禮成!

跟住阿ti就巴閉喇

財神一見阿ti就要抱佢呀

其他排隊嘅小朋友都冇架

仲唔係有運行 哈哈哈

但點解個財神係外國人嚟嘅?

唔通聖誕老人又會係佢扮?

 

最後談小姐陪tima食麥芽糖餅

但佢唔多鐘意 tima食晒一枝 hehehe

 

食埋條腸

睇埋人地燜豬肉飯

我地就離開林村喇

下年新年再見 bye~