復活節一起上廣州 (七)

24.04.2011 Cloudy

 

我地今日好早起左身 大家琴晚都訓得好好呀

於是我地出左去荔灣嗰邊食早餐 呵呵 琴日行過好多人食嘅艇仔粥店 今日終於有位喇

等我介紹 有狗仔粉 荔灣艇仔粥 同埋牛腩腸粉

當中牛腩腸粉真係好好好好味呀 夠晒滑同入味

我地唔客氣喇...

食飽飽 我地打的去越秀公園喇

相信大家都知廣州叫五羊城 所以一場嚟到 點都要影返張五羊像嘅靚相

位於越秀公園嘅五羊像係廣州嘅名勝之一啊

咪見五羊像後面好似冇咩人 其實好多人架 我地就位影相係唔係好叻呢?

之後我地仲去埋古城牆呀 中山紀念碑tim 全部都係好多年嘅古蹟名勝

如果要行晒越秀公園 我諗真係要一日呀 所以我地淨係揀d值得逛嘅行下先 下次嚟一定要行佢半日呀