六八事件
馬來西亞酒店天花常見嘅箭嘴
其實係話比你聽祈禱朝聖嘅方向
準備好上機嘅行李 好彩冇過重
第二日食嘅早餐都係一樣 一樣有斑蘭醬 一樣有好好味嘅炒米粉
食飽飽就趕行程lu 要同住左兩日嘅酒店say good bye!
食早餐對住咁嘅天空 唔係旅行係咩丫? 唔係relax係咩丫?
夾埋坐左三日 (其實應該四日) 嘅東南亞旅遊巴 再見喇 你d冷氣好夠凍 座位都好舒適呀 司機叔叔鴻爺手車都揸得非常非常舒服 我地成車人可以訓晒覺就知啦
我地住嘅新山 其實係馬來西亞嗰邊架 所以要過關去新加坡先得 聰明嘅朋友一定會諗 : 咁兩日都要過關嚟過關去? 冇錯 初初媽咪都有呢個concern 但深知新加坡冇可能有呢d級數嘅酒店住 (咁當然跟旅行團buffet有限啦) 加上原來過關算好快 好似深圳同香港咁 咁咪okay咯 Ada姐姐講得啱 去玩就唔好樣樣彈先會開心
媽咪話今日要用晒佢喎 ~_~" 最後全程用得二千蚊港幣咋
我成班仔女都玩得好開心 多謝daddy 媽咪帶我去旅行
下次都要帶我去啊!
yeah yeah
車程十分鐘到關口 加埋過關到新加坡 都唔洗半個鐘 所以大家可以諗住新山再玩新加坡 咁會平d 同埋住嘅酒店都會靚好多
新加坡第一站嘅烏節路
好靚嘅巴士 好彩媽咪影得切留念啫
解散第一時間去ION先
因為我地知道裡面嘅food opera有媽咪同婆婆嘅至愛!!!
就係肉骨茶喇
食過馬來西亞正宗肉骨茶 今日試新加坡架喇
兩者嘅分別 淨係飲第一啖都分到
馬來西亞淡味 新加坡相反好濃味 好勁蒜味
我地一致投新加坡嘅肉骨茶一票 而肉方面 兩者都好好
我飲左幾啖 好辣 都係比媽咪飲埋佢
飲完肉骨茶 就出去影返個地標相 一見到豆蔻就知嚟左新加坡同烏節路啦
再行落去見到baby gap減價 掃貨去...
另外有好多food court都有特色野食
可惜呢d food court都吸引唔到我地
我地有另外一個目標要完成...
就係義安城嘅榴槤pancake喇!!!
\
除左班戟 仲有好多榴槤制品架
而pancake係即叫即製
我試左一啖 好好味
媽咪同公公直情暈低左呀! pancake熱辣辣 脆卜卜 裡面包住凍凍嘅榴槤肉
媽咪一邊食一邊 : Oh my god....
全個行程 除左貓山王 最好食 就係呢件pancake!!!
離開烏節路 我地又向海出發lu...
沒有留言:
張貼留言