白色대한민국聖誔之旅 - 歐陸木屋之夜

 Day Two

離開左滑雪渡假村  大家喺車度都訓到豬咁

坐左一陣車程 就到便利店 

大家都落車車買定今晚既"補充劑"

今晚食bbq Rick哥哥教我地買午餐肉bbq嚟燒 我地買左午餐肉之餘

都買左d腸仔同花火  baba仲買左枝膠樽紅酒tim

行出便利店又落雪喇 地下真係好滑好跣...

幾經辛苦 終於嚟到今晚住嘅歐陸小木屋喇

黑麻麻咩都見唔到 大家都拖住行李論論盡盡的向前行

終於 見到我地住嘅小木屋喇

好靚呀 d燈光打落去小木屋度 真係好靚!




我地今晚住歐陸小木屋呀

公公婆婆yeee聰少今晚住我地隔籬 好好玩呀 喺露台都可以見到大家

三對雪bots在興奮著 Baba boot Mama boot Ti Ti boot

收拾好行李 就出去木屋外面bbq呀

我地都係第一次落住雪 bbq咋



今晚有牛同豬 d肉好好味呀

媽咪話韓國d肉係好味d架

除左牛肉同豬肉  仲有特式韓式小食任食tim

我地仲喺便利店買左午餐肉嚟食 原來咁樣燒午餐肉好好味架

一家人暖笠笠燒野食 我真係好開心呀

係咁同mami講好開心  好鐘意屋企人一起去旅行嘅感覺 真係開心好多架

baba同聰少輪流為我地服務

燒完豬同牛 就燒午餐肉 再加埋d韓國米飯 好飽喇...

BABA開左枝膠樽紅酒嚟嘆 燒肉配紅酒 嘆世界話咁易啦

枝膠樽紅酒都幾好飲 估唔到便利店貨仔都ok喎

 

食飽飽  我地返木屋前嘅花園燒花火呀

d花火係喺便利店買返嚟嘅

今次公公都玩埋一份呢

本來我地冇諗過有機會喺小木屋嘅花園玩花火架

真係好開心好SUPRISE!!!

d花火燒起上嚟真係好靚

我地買左幾枝 所以好快就玩完喇

一人玩一枝 一枝都玩到一分鐘

玩完花火  其實大家都好攰

今個聖誔Mami完成左一個期待以久嘅願望 就係一家人喺小木屋砌雪人!

估唔到真係有機會喺木屋嘅前園砌雪人

Mami好多謝tiba同婆婆喺零下十幾度下完成佢嘅心願
 
要知道婆婆嗰陣巳經好攰加埋頭痛 荒山野嶺凍到死

大家都為左MAMI嘅心願努力 我都有幫手架

我偷睇到MAMI一邊砌一邊流著感動嘅眼淚 

雪人...原來真係好難砌架!

砌好喇 靚唔靚呀?

我地覺得佢好得意好有聖誕氣氛

雖然雪人先生個子小小但真係好得意

2011聖誕可愛小雪人 ^^ 

見唔見到MAMI嘅開心又感動嘅樣呀?

個雪人都係用好輕嘅雪鋪上去

我地入屋嗰陣雪人都散散地 MAMI好擔心第二朝見唔到佢

傻到喺屋外邊企左好耐 唔肯入房沖澡訓覺呀

後嚟BABA出動MAMI先肯去訓覺

早抖喇 雪人 聽朝你要喺度啊 唔好咁易比風吹散呢...

臨訓覺 我掛左個聖誕袋喺門口

Mami喺香港同我講過有關聖誕老人嘅故事

我知道聖誕老人都係住喺木屋嘅　

呢度似唔似芬蘭嘅聖誕老人村呀？一樣落雪 一樣係小木屋...

希望佢經過見到個袋會比份禮物我啦

其實話唔定聖誕老人今晚就住喺我附近呢...keke　

聖誕老人 快d嚟啦...