巴黎 ♥ 血拼孖C 血拼老佛爺 血拼春天

11 July 2012



終於到左媽咪成個trip最想快d到嘅地方 老佛爺同春天百貨喇

呢度有佢最愛嘅Macarons同孖c袋袋

仲有好多甜品tim

老佛爺 妳好嗎?



一入到去就見到星級米芝蓮嘅美心朱古力!!!!

掃掃掃 仲掃埋出名嘅鵝肝tim

美心朱古力真係好好好好食呀

老佛爺呢度有中國部嘅服務站

有咩唔清楚都可以去嗰個information centre架



媽咪心不在此 因為佢趕住去朝聖呀!

我地要去孖C喺巴黎嘅總店 hehe

總店離開春天同老佛爺都幾遠

所以要行快d喇!

途經春天百貨都冇時間去睇咯

之後返嚟先再睇啦 go go go

呀!!! Laduree!!! 都係一陣返嚟先搵你喇

(點知返嚟勁多人排隊 ~_~")

如果有心去總店朝聖  一定要認到路

因為要繞過幾多小路架 仲有橫街雜巷架  小心小心

如果跟旅行團唔太認路就唔好博 隨時去到買唔到野就要走

順利到左 媽咪一支箭買左要買嘅孖c心頭好咯

一個chain bag 一個銀包 一條鍊 真係平好多呀

仲要有得退稅tim 媽咪開心到見牙唔見眼

Daddy都好開心 佢話媽咪平日返工咁辛苦抵送個袋比佢

我呢? 都好開心  裡面好大架 好好玩

服務生都好好啊 門口合照一張



有冇留意呀 Chanel總店先有嘅白色紙袋!

仲有白色山茶花 全部都係總店嘅icon

浮誇嘅媽咪仲未浮誇完

繼續影....



巴黎街頭 好靚啊~~~

大家嘅心情都係好興奮

正當大家仲好high之際 見到春天先記起

我地未買Macaronsssssssss呀

好多好多嘅甜品

要堂食先正!

呢度都有Chanel 但少d貨揀

wa wa wa

第二個朝聖點!

Laduree! 我的法式小圓餅啊!!!

除左出名到暈嘅入口即碎Macaron

佢地d甜品都正到暈啦!

排隊嘅時候 媽咪都繼續浮誇 ~_~"

好多人呀 排左十幾分鐘先到我地

好香嘅餅味

售貨員每次擺macaron都好小心架

見到佢唔小心整碎少少 嗰塊就唔要架喇

呢度仲有紀念品賣

但價錢都幾貴架

記住春天百貨有 Laduree 喺春天行左一陣

個心已經去左老佛爺



老佛爺嘅圓頂icon!

嚟到老佛爺一定要揀"呢個位"影返張圓頂相

可惜呢度好多人 只得媽咪做代表攝到入去咋



嚟老佛爺除左買到美心朱古力之外

仲有呢間正野! Pierre Herme'

買買買 真係好好好好味

之後再比較邊間Macaron好味d

行多一陣化妝品同衫就走咯

bye bye 老佛爺



媽咪全個trip心掛掛嘅野得手喇

血拼巴黎 血拼孖C成功!

媽咪浮誇地同戰友合照一張~~~