泰 ☀ Big C + Terminal 21 + Mae Varee

28 Jan 2013



行完Central World 對面就係Big C

而Big C樓下有一個小小夜市 好多野賣

佢地大約四至五點就會出嚟擺檔架喇

由橋望落去 其實行曼谷都幾寫意丫




到喇 開心死我喇

我好鐘意呢種大型supermarket

個心砰砰跳 要趕住掃貨呢



一人一架車 "練"車去 go go go

哇 mami同公公買左一pack對分

喺停車場附近 一人兩粒榴槤

佢地話好好味  但真係好滯



我嚟要買百力滋送比朋友仔呀

mami又走左去買mini紙粘土花

daddy同我上樓上去

第二層賣家居同服飾架

哇哇哇

全部都係公主同disney嘅野

我地咩都掃d 最多嘅係百力滋 掃左幾大packs

最好味嘅百力滋係Ham & cheese



見到BRT就知就嚟返到酒店啦

冇錯 由於我地揸得太多野同有d攰嘅關係

我地返酒店休息一陣先

休息完就去Terminal 21

喺度食晚飯啊

其實我腸胃炎加上攰嘅關係

我個樣已經呃唔到人 哈哈  但我依然enjoy嘅

呢層food court係最靚嘅地方

金門大橋呀 嚟緊三月 我地會去美國同真嘅影相 期待啊

呢度嘅food court要買card先去攞食架

之後張可以keep住留念呢



海南雞飯 平到冇朋友

相比"粉紅色衫"嘅海南雞飯 應沒差別吧

除左美國嗰層外

英國係另一必去嘅樓層

全部都喺英國合照過 估唔到依家喺泰國都有得合照一下

呢層廁所都靚過人

之前聽d人講得啱 英國呢層一要去下洗手間 呵呵



行入d廁所嚟架

參觀完呢兩層已經夠lu

其他日本呀....嗰d唔去睇咯

因為我地有一個最重要嘅任務



就係坐多兩個站去Thong Lo

做咩? 買全泰國最最最好食嘅芒果糯米飯呀!

條路都幾難搵架 想知點去可以pm我地

登登登 King of Mango sticky rice - Mae Varee

鐘意食芒果糯米飯嘅朋友一定識嚟呢度

呢度可以揀唔同嘅芒果同唔同嘅飯做組合

朝早嚟一定排長龍架

最後三盒 我地買左兩盒 要全隻芒果

睇下後面d芒果

記住嚟Mae Varee唔好太晏呀

做宵夜一流呀!!!

oh 不愧係Mae Varee 爆分好味!

本來一盒比yeee聰少同公公婆婆分 每pair半盒

點知公公婆婆一食之下食鬼晒!!!!

呢個就係Mae Varee嘅厲害 掂呀!

食飽飽 mami又做無聊野

影手信相

今次唔算買得多野 事關泰銖對返d野都唔算好平丫

影完先捨得訓 聽日last day 咯 ....早抖