titi學行路 究竟用學行車好丫 定用網床好呢?
本來mami未深究呢個問題住架 但吉吉島減價 我決定買左先呀
因為有八折再九折 即係話網床六百九十九蚊折完四百幾蚊咋
學行車都係六百幾折完四百幾 但兩者 我好難取捨啊
因為有d人話學行車學壞baby隻腳 網床整懶個baby
噢! mami問左好多人 上左好多網 結果大致如下:
網床
易收藏 __ 小朋友可以"掹"住邊邊行 父母可安心
大d可以當埋波波池玩___ 心理医生話baby鐘意有安全感嘅地方圍住
例如 bb床同網床____ 返到屋企 如果累 把玩具放入網床 唔怕佢反身跌親
大人有多d私人時間 唔洗心掛掛 ___有空只需和寶寶玩躲躲避
臨床數據表示 用網床學行嘅小朋友 雙腳走路比較有力
學行車
容易學車時掃到家中物件 ___ 難收藏
容易引起baby好奇心 追物件而走
必需牢牢看緊小朋友使用學行車
如果屋企冇地方 要每次都要外出學行 (如果屋企地方唔大 走兩步就要停)
唉 真係好多意見 但mami顧及自己 我想要多d私人時間
所以最後都係揀左網床 咁我一放工 就可放佢入去玩
我就可以安心做一陣自己野 先join佢玩啦
加埋唔怕比佢撞嚟撞去 周圍掃野落地
mami最後用四百幾蚊買左呢張網床lu
嘻嘻 最重要係mami見到小ti唔鐘意bumbo chair ("cool"住patpat)
我直覺佢都唔鐘意學行車"cool"住佢架啦 到時只會浪費我嘅心血同金錢
睇下 收埋左好細件 擺喺車尾箱去ti婆度玩都得
順便買定小ti五個月要換嘅奶瓶 yeah 勁抵!
話時話 titi嘅韆鞦 playmat 網床 同埋high chair已經嚴重佔據屋企嘅地方
titi冇得再買大件野呀!!!!!!!!!
吉吉島一年一度嘅"大決算"到今日完結 真係好筍呢
講開筍野 mami發現喺萬寧嘅片片都有野送 但唔係布書
係一件價值129蚊嘅 Fisher-Price嘅燈燈玩具 超爽呀 大家去搶啦!
呢隻野好鬼過癮 一按個殼就著燈 自己向前衝架!
ps: elaine姐姐夾份送網床比titi嘅
titi要多謝依寧ee啊!
沒有留言:
張貼留言