titi改左髮型呀!!!以前嗰個好睇d 梳返以前嗰個先
今日一早心情好唔錯 因為titi同我笑得好sweet呢
同佢著好厚衫 ti爸仲未行得 mami又舉機影底"凍凍titi"
呢件Elle厚褸係上次開倉買架 特價79蚊咋 (好記得 因為成日同同事講)
原價要5xx呀 
仲有粉紅色 但mami覺得titi太多粉紅色衫 於是買左藍色咯
今日返工好唔開心呀 (朝早) 
事關有份銀碼幾大嘅保單比死人交x銀行嘅staff壞我好事
明明個客勁想做 (份單用美金做) 佢去到交x銀行諗住開本票過嚟啦
點知 d staff嚇佢 話美金同HKD好快會脫鈎啦 叫佢唔好做 仲sell佢買其他野tim
我好火滾呀 想過去打嗰個人呀
痴線脫咩鈎呀 係都十年後啦 起碼 !!!!!!!!!!!
唉 就係咁 mami筆佣見財化水 (本來份佣可以比titi狂買豪買衫都得)
本來懷住sad嘅心情 哈 點知lunch後 無啦啦有個existing嘅客 走過嚟同我吹水
講講下又想做嗰份保險 銀碼同朝早嗰份一樣
但佢要星期三先攞票過嚟 mami依家唔敢開心住呀
等真係簽到先啦 (但so far個plan都唔錯嘅 特別依家息咁少)
終於放工 返到屋企 同titi玩 我依家唔敢擺佢喺床啦 
一返屋企就放佢喺網床 再放玩具比佢玩
因為星期六晚佢差d跌落床呀
事源星期六晚放titi喺我地張床 行開一陣啫 返去房 見佢個頭向地滑落去
嚇死人啦 titi未試過反到身架嘛 但居然喺唔過十分鐘內 調埋頭滑落地咁滯
我同ti爸好彩接得住佢 如果唔係佢就"look"左落床lu 
喺寫blog之餘 又影左幾張相 嘻嘻 佢好鐘意喺網床轉嚟轉去
見到佢咁 我好期待佢第日扶住網床邊行嚟行去呀!
沒有留言:
張貼留言