蒟蒻果子凍

          話說上星期去左美食博覽 有個姐姐介紹左隻蒟蒻果子粉比我

               個sale話好易整 好好味 仲係咁比我試 講左幾十個優點

            mami望一望價錢 哇 都唔平喎 75蚊得幾包粉 本來諗住唔買

          但個sale無啦啦講左句 整比細路仔食 噢 衰左 mami即刻返轉頭

     75蚊 都唔係好貴啫 哇 都食到好多次丫 哈哈 到mami自己sell返自己轉頭

    個sale姐姐用埋絕招 : 小姐 買六盒送倒模格比你丫 整出嚟小朋友好鐘意架

       野~~~  mami日日返工sell人野 依家比人sell返轉頭 好啦 殺你 比六盒我啦

             於是喺嗰晚就開左包茘枝味 整左十分鐘唔洗 第二朝食得喇

                   

    

                       出嚟嘅結果係 好好味呀!!! 好蒟蒻呀 好清新 正

                          mami試完食滿心歡喜 諗住攞出嚟比兩父女試

    

                            ti爸一望就走左  吓?有冇搞錯 唔識貨~~~

          嘻嘻 拎比囡囡試  titi個咀咀挨到一下 鄒晒眉呀 之後就擰轉頭閃左

                          吓? 唔係嘛 連個囡都唔要 平日個囡咩都食架喎

                     

                          mami好sad咁擺返落雪箱 諗住自己一個食埋佢......

                        哈哈 但到左今日 表叔證明我d蒟蒻布甸係好味嘅

        仲全盤同我掃晒 yeah 多謝你呀 表叔 你證明我嘅價值 證明我嘅存在

                    我決定...為左獎勵表叔 其餘5盒嘅蒟蒻粉都係你架喇!!!

                    呢種蒟蒻布甸 小朋友係好鐘意 但baby就未必咯

                                因為佢地驚凍 同埋好難咬呢 (上當咯) ^^