北冕小姐大駕光臨

                       北冕颱風小姐大駕臨 令到爸爸mami休假一天呀

        其實本來mami同 ti爸本身今日請左假架 mami估到打八號 決定唔放今日

              可惜 ti爸改唔到 無啦啦蝕左一日大假 但佢多假 唔怕啦

            一早titi見我地冇換衫 眼定定咁望住我地 跟住就好開心咁要抱

                 小朋友真係記得爸爸媽媽星期幾返工 星期幾放假

      終於整好 titi生日會嘅邀請咭喇 因場地有限 生日會淨係請到親戚朋友呀

           依家計計下邀請咭都要發三十張呢 好彩整得切 mami整完好滿意呢

                 整完邀請咭 就陪嫲嫲去飲茶茶 好多人呀 要等一陣先有位

                     之後就喺爸爸嘮嘮叨叨之下去左荃灣 咩揸車唔安全 ....

                    最後都係去左 但其實條街都唔大風丫 但feel到尋晚d風好勁

                         因為眼見d樹好多都連根拔起 d葉吹到成街都係呀!!!  

 

                      去到 婆婆度  睇下佢地悶到寫晒野咁歡迎我地呀

        

                      大家喺度商討買咩禮物比titi 好開心呀 大家好有心

                        本來想竹戰 但搞搞下同titi玩都玩左兩個鐘 算吧啦

                     睇下個衰妹上左阿姨張床幾開心 嘻嘻哈哈 唔肯落嚟呀

    

                       

                    落去商場行個圈 車真係一間店都冇開  食完飯就閃人咯

                        

 

               titi  mami轉唔轉工好呢? 嗰邊真係請mami喇 到mami唔知點揀

         做左好耐銀行 大銀行 細銀行都做過 mami喺依家做緊間銀行好冇心機

              一來做到個人好懶 二來冇空間比我發展 mami真係想再闖一闖

               你會支持mami嗎? 如果轉左新工 mami收晚一點 你會嬲嗎?

        但 mami好想搵返以前做事充滿衝勁嘅自己 而唔係返工等收工嘅自己