一月二十八日 年初三 元朗好熱呀
十六個月至十七個月閒記
兩家人大團拜 去邊度最好呢?
上網search下 見到一個叫元朗大棠荔枝園嘅地方
有野玩 有野睇 有得燒野食 就一於去呢度啦
titi今日開心咯 有爺爺嫲嫲公公婆婆姑姐聰少 yee ee陪佢呀
一次過見晒佢最鐘意嘅人 心情梗係靚靚啦
未換七人車 所以tiba唯有好好人咁分兩轉車送我地入去
人齊就買票入場咯 大約110蚊就有bbq同三個自選活動
而士多啤梨場就免費進場 但就冇任食咯
九個人九份燒烤包 tima然好懷念大尾篤d野食呀
呢度d野一d都唔好食 仲要冇蒜蓉麵飽 鳴鳴
所以燒唔夠一陣就閃人 去左玩咯
第一個地方係士多啤梨場 沿路係咁同titi玩 同佢影相
未去到士多啤梨場 比一陣臭味吸引住 噢 有馬場啊
我地衝左入去 有好多馬馬呢 titi好興奮指住叫 " 馬馬"
之後聰少叫佢摸 佢唔敢呀 而tiba呢? 都唔敢呀 冇用...
離開馬場 titi都係咁指返轉頭要摸馬馬
囡呀囡 頭先你唔摸 依家喺度逞強...唉
行左一陣 就到士多啤梨場同粟米場
去到Ms strawberry先話今日嘅quota滿左喇 冇得摘咯
titi唔洗失望 (佢最鐘意食strawberry嘛) mami一定搵粒比你嘅
落田一望 係真喎 得返d綠色嘅 都未熟架
唔怪得姐姐唔比我地去摘啦
titi大個女囉，成熟左 又靚左既 隻眼又大又圓
回覆刪除[版主回覆02/03/2009 00:24:00]熟咯熟咯 好似d士多啤梨咁 由綠變紅咯 哈哈 之前去日本同佢整容嚟嘛
D馬有冇得比人騎架??D 士多啤梨冇得摘咁有冇得成盆買番屋企架??哈哈...不過我屋企都有兩盆..都好似佢咁得綠色未變紅色
回覆刪除[版主回覆02/03/2009 00:23:00]有呀有呀 但我覺得好好好dirty呀 同埋唔多安全 所以未去另一邊...
真係 叫 titi上你屋企摘罷啦 呵呵
回覆刪除原來摘唔到心愛既strawberry,唔怪的嘟起嘴仔啦
[版主回覆02/03/2009 00:22:00]哈哈 係呀 佢好唔開心呢 就算之後有粟米摘都冇興趣呢 ^^
嘩...元朗大棠荔枝園,我十年前去過,個時好似都係差唔多呢啲時候去,我仲好記得個時係同我媽同埋佢成班同事一齊去,我媽個同事仲要係元朗兜左好多轉先搵到條路入去,然後仲要行左鬼死咁耐山先至去食盆菜
回覆刪除[版主回覆02/03/2009 00:21:00]下? 十年前都有喇 我之前冇去過呀 但都幾多野玩丫 下次可以再去 嗰日都有人食盆菜呀 ^^
titi越來越可愛!
回覆刪除[版主回覆02/03/2009 00:20:00]thanks 呢排肥返少少呀 之前好醜怪呢
回覆刪除嘩哈哈,,,,
你睇你影到個女,,,,個肚DUM好似人哋D啤酒肚咁呀,,,,
[版主回覆02/03/2009 00:19:00]錯晒呀 你個衰野 人地呢張係focus喺個cute嘴度呀 ^^
titi而家表情多多..真係好可愛呢..呢個嘟咀好搞笑
回覆刪除[版主回覆02/04/2009 22:49:00]嘟住個扮可愛呀 都係難頂呀 哈哈
點解唔打比我....嬲呀..嚟到都唔打比我....
回覆刪除[版主回覆02/04/2009 22:49:00]係咯 我可以打比你 掛住去玩tim 嘻嘻 你幾時搞活動呀? 美女
唔見咁耐titi真o係大o左好多呀,愈來愈靚女
回覆刪除[版主回覆02/04/2009 22:47:00]你返左屋企喇? 祝樂樂一家開心健康快樂 thanks
今次titi好型女呀!!!
回覆刪除[版主回覆02/04/2009 22:47:00]Thanks 我都好鐘意佢扮型女呀 ^^