• Check Point No.16 •漁人碼頭
離開東望洋燈塔 我地坐"的的"去左漁人碼頭 一去到我自己唔小心仆親
好彩嗲地媽咪捉住我 冇事 但我覺得好樣衰 所以喊左出嚟呀
所謂漁人碼頭 我同媽mi都覺得好似大陸d咩咩咩主題公園
同埋好似台灣嘅六福村
嗰度地方大 主題雜亂 好多商舖都冇人租 講衰d好似c城咁呀
所以行左半個鐘都冇就走人咯
• Check Point No.17 •威尼斯人
離開漁人碼頭 我頂唔順 粒聲唔出就訓左 哈哈
喺我訓左之際 佢地去左金沙坐免費shuttle bus去氹仔威尼斯人呀
我地今朝趕去大利來 冇去到影相同行街 喺我未醒之前 佢地去左曼聯專門店
嗲地買左個車匙扣 媽mi就買左環保袋
出返去 我就醒左 媽mi就係咁同我影相 ... 威尼斯人個洗手間好靚 titi我好鐘意呀
• Check Point No.18 •誠昌飯店 水蟹粥
好耐冇嚟過喇 佢地最鐘意水蟹粥 我就好鐘意"魚旦" (鯪魚球)
全晚我係咁叫 : 唔該媽媽比魚旦" 一係就係咁叫 "titi要魚旦"
總之"旦"到媽mi暈咁滯呀 哈哈
• Check Point No.19 •碼頭回航
買埋手信 我地再坐"的的"去碼頭喇 爭幾分鐘唔比上船 好彩啫
我上船食奶奶 玩左一陣就走喇 今日titi我見識又多左喇 玩得好開心
媽mi同嗲地仲有姑姐都plan緊下次同我去邊旅行呀
希望可以返學前去多一次旅行啦 之後就唔可以成日去... (媽mi話喎)
但老實講丫 講到旅行呢家野 媽mi幫我請假都會去呀 咪舌我話丫 嘻嘻
• Check Point No.20 •手信照
真係唔好意思 我地拎嘅野太多喇 所以攞唔到好多呀
希望收唔到手信嘅單位唔好怪我地啦 ok?
沒有留言:
張貼留言