四月十二日 多雲
十九個月至二十個月閒記
好耐冇見過小喬喇 今日終於約到出嚟
之前知佢隻腳整親 唔開心之餘 都擔心復活節見唔到佢
好彩佢隻腳仔好得七七八八 唔洗打住石膏嚟咯
今次蒲點喺alvin媽附近 事關佢單拖 理應就下佢嘅 哈哈
一早幫阿ti襯返套裙仔 呢套裙tima好鐘意呀
好斯文 特別係對襪 有水晶石超靚架 (仲超貴tim....)
去到酒樓唔洗十分鐘就有位 以復活節假期嚟講 好恐佈呀
阿ti同alvin玩左一陣 小喬就嚟喇
於是我地台柱福祿壽就係咁食係咁食 係咁傾係咁傾
話題都離唔開屋企 仔女 返工....嘻嘻 好暢快
本來阿ti同alvin談緊情...
可惜小喬過左嚟 alvin唔知點算好喇...
alvin望住媽媽 心諗 : 兩個都咁好 c喇....
正當alvin走佬之際 阿ti著急喇 小喬就偷偷奸笑
阿ti好嬲 : 最衰都係你走過嚟呀 依家alvin走左喇!!!!!!!!!!!!!
每人六十蚊 真係抵 依家gathering最好飲茶
平 坐得耐 唔驚吵住其他人 (酒樓夠吵耳嘛)
之後我地落左IKEA玩同睇傢俬
上面呢張"咪"腳尖 好少女呀 tima勁鐘意
到左 ikea 大家上床玩咯!!!
alvin嗰日撞親 阿ti記到依家 成日 : alvin bb "bow"...alvin bb...
今次見到小喬同alvin 最大嘅驚喜係阿ti識叫佢地喇
嗰日叫 : 小喬坐 今日都識指住叫 : 小喬...alvin bb
有件事tima覺得好奇怪 點解alvin會加bb 但小喬就唔加bb兩個字呢?
哈哈 喺ikea tima發覺阿ti好攰好眼訓 於是行完ikea就走左喇
希望下次快d再見喇 tima好珍惜每一次約會
不如下次去野餐 bbq丫
叫多d人去玩 要好熱鬧嘅 嘻嘻
tI ma 真係好叻扮令令呀
回覆刪除[版主回覆04/18/2009 00:22:00]心情好就幫佢扮下咯 以前自己扮得多 到依家幫個囡扮仲開心啦 ^^ thanks ee
呢張好大個女呀!
回覆刪除[版主回覆04/18/2009 00:22:00]哈哈 仲好斯文咁tim
平時一到假期，呢個商場都會好多人，但係個日真係奇怪，好少人，我地同屋企人個日都去呢度另一間酒樓飲茶，一去到就有位，仲有好多吉枱添。
回覆刪除[版主回覆04/18/2009 00:21:00]係咯 等我仲一號戒備去霸位 車 ~~~
唔記得講添， ee 都好鐘意 titi 條裙呀！
回覆刪除[版主回覆04/18/2009 00:20:00]如果晴晴嗰個係妹妹 又如果你唔介意嘅話 就留呢條裙比佢啦 ^^
哈..titi d衫仔真係好靚呀..而家既小朋友真係好幸福...
回覆刪除[版主回覆04/18/2009 00:18:00]生得一個 梗係有咁靚扮到佢咁靚啦 ^^
如果野餐可以預埋我喎! 我最鍾意郊遊.
回覆刪除不過我同shampoo一樣時間好難約.
[版主回覆04/18/2009 09:50:00]係呀 真係想野餐 但唔知多唔多蚊呢
有機會一齊玩丫 ^^
靚女 titi, VV 要比個獎TIMA 呀
回覆刪除[版主回覆04/18/2009 09:49:00]咁開心 咩咩award呀 哈哈 thanks
titi每次既裝扮都令人驚喜 一睇就知mami下過不少功夫呢
回覆刪除[版主回覆04/19/2009 18:50:00]依家仲細著呢d好睇d 再大個d淨係著件tee加 牛仔褲架咋 嘻嘻 thanks 多謝你讚我呀
回覆刪除淑女titi 開香檳個樣..咁肉緊既..
[版主回覆04/19/2009 18:51:00]哈哈 佢呢排都係咁肉緊架
你既對白好得呀, 我都好期待下次既gatheting啊!!!
回覆刪除[版主回覆04/21/2009 20:23:00]uyeah 約埋shampoo呀
仲有呀 我想約maggie呀