2010喜訊

 
                               還未踏入2010年 就收到第一個喜訊
                                       就係tima申請調職成功!!!
                  自從有左阿ti 就好想轉職 做d冇咁大壓力嘅工種
                               咁就可以零壓力返工 零壓力收工
                           本身嘅工作愈嚟愈大壓力 一早就想轉
                可惜身不由己 公司覺得你做到 就會繼續要你做落去
                                     tima等左呢個機會好耐架喇
                           終於 個同事一轉pose tima即刻舉手要調職

                實不相暪 呢次調職講得少左壓力 即係意味著職位低左
                         tima為此都掙扎左好耐 最後 都係屋企緊要d
                  鬼叫有小朋友咩 事業衝刺暫時放埋一邊 唔到tima咯
                        
                               老細有日召tima入房  話調職批左 2010年生效
                           tima真係好開心好開心呀 未開心完之際
                              老細笑笑口話 調職之後人工唔變
                 哇!!!!!! 係唔係架? 咁爽?唔洗跑數都有跑數嘅人工?
             冇錯 但人事部嘅條件係 呢兩年內都冇得加人工同升職
                     哦 冇問題啦 小意思 最緊要有份自在d嘅工作
                 有得返工 公司近屋企 仲有咁多假期 人工仲哈哈哈
                            多謝老細 多謝大老細 多謝大大大老細!
                          tima明白跑慣數嘅同事轉去唔跑數係好難
                              tima會繼續跑呢條唔洗孭上身嘅數呀!!!
                                    果真係2010年第一件超級喜事