Private blog : 面試第一戰 (Private Page)

十二月五日

二十八個月至二十九個月

 

                                              兩場大戰一觸即發

戰情(一) :

香港真光中學幼稚園

九點半面試 我地早左半個鐘到

阿ti心情唔錯 係咁話要見老師 仲話自己會答老師問題

tima心情都緊張架 真光band one得嚟都係一條龍嘅學校 唔洗煩去報小學同中學 都係一個good choice! 仲有靚靚旗袍著 唔錯唔錯...

見有時間 tima叫tiba唔好陪我地去interview 點左佢去Sacred Heart度交form...

tiba走左之後 一踏入校門 tima自己都覺得自己好勇 ...咭咭 個個都有爸爸媽媽陪嚟interview 而tima居然自己一個陪阿ti去做interview... 好彩 如tima所料 interview淨係比一位家長陪見 咁都好d tiba去交表都冇蝕底 嘻嘻

突然阿ti眼眶紅紅問: 爸爸呢?

oh...tima心一慌 佢一向有人陪 就唔會追問另一個去左邊架 做咩無啦啦咁問...一定係佢見到d小朋友有爸爸有媽媽 所以想搵tiba

tima望一望阿ti 佢就嚟喊喇 c火!

 唉 唯有搏一搏 : 爸爸要返工 一陣老師問完問題先放工呀!

阿ti無表情 眼晴沒有紅了 : 爸爸要返工? 爸爸揸車返左工喇? ....媽媽陪我見老師 我會答老師問題架!

冇事喇 阿ti接受左tiba唔喺度 tima好努力喺playground度哄佢開心 好努力好努力 終於 佢嘅心情好返好多喇 仲識笑

老師叫名喇 阿ti好開心咁叫 : 我地去喇 去見老師! 到喇到喇!

去到課室 好多家長同小朋友坐喺度唱一陣兒歌 有個老師同小朋友握手 一握手 佢有留意小朋友嘅手仔凍唔凍 好彩阿ti夠晒暖 ok

之後去另一個課室 好多老師喺度 我地比其中一個老師叫名

阿ti同tima自己拉開凳坐低 阿ti果然有笑住叫 : 老師早晨!

老師好開心 拎左個公仔出嚟 : 佢叫玲玲呀 佢想同你做朋友 不如握下手仔丫?

阿ti望住老師 : 好呀 (之後好聽話去握手)

之後老師拎左個籃出嚟 有車 有麵飽 有碟 有雞肶 有魚

老師拎左個麵飽 問阿ti 呢個咩嚟?

阿ti : 飽飽

老師 : 咁用邊度食架?

阿ti : 呢個唔食得架

老師笑一笑 : 咁如果要食飽飽 應該擺落邊度食呀?

阿ti指住 : 嘴嘴

老師之後叫阿ti餵媽媽 阿ti都做到 仲自己加一句 : 我可唔可以餵媽媽食雞肶?

老師點頭  於是阿ti放低飽飽 拎隻雞肶餵tima

之後老師再問眼 耳 鼻喺邊 同埋用途

問完 就同阿ti講 籃籃度有車車 可唔可攞比老師呀? 阿ti做左

老師用問 : 頭先諾兒坐咩車嚟呀?

阿ti : 坐爸爸車嚟呀 爸爸返工呀

老師再問 : 件衫衫好靚 邊個買比你架?

阿ti : 媽媽買嘅 粉紅色嘅

最後 老師拎左張紙出嚟 紙上面有碟 魚同spoon嘅陰影 示意阿ti擺d玩具fit返個位

阿ti拎起碟 tima幫阿ti show quali 問阿ti 碟碟咩型呀?

阿ti一邊擺碟落碟嘅陰影度 一邊話 : 碟碟係圓形嘅....最後都完成埋其他shape

老師笑一笑 : 好喇 唔該晒諾兒 嗰邊有禮物比你呀 你可以去拎啦

tima都未講 阿ti自己推埋張凳 再自動自覺同老師講bye bye

拎完禮物有講多謝 就連離開學校都有嬸嬸講byebye....

 

                                                                  (完)

 

*** 依家好多學校都唔比影相架 tima親眼見到有個爸爸比校長嚴責 所以tima都係喺學校門外先影張相留念 唔敢亂嚟lu...

*** 聽ｄ家長講今年真光有九百份application tima以佢做interview嘅時間 人數去計都真係差唔多 九百個收二百個 真係唔知ok唔ok喇 最少阿ti做晒野講晒野啦

 

                   

                              阿ti嘅可愛戰衫 呢套衫要著四次應戰架!

                                                      (真光門外)