二月八日
二十九個月至三十個月閒記
自從買左annual pass 我地每逢disney有主題都會去
新年都唔例外 虎虎生福 一個好熱鬧嘅主題
阿ti要返學呀 我地一早送左佢返學 就去排jenny cookies
食完勝香園 tiba就陪我去中環排jenny 點知開門冇半個鐘賣晒
之後我地拿拿聲去銅鑼灣買 終於排左四十幾分鐘就買到
兩大兩小 其中一盒大嘅用嚟孝敬阿ti嘅老師們
新年總要送禮啊 希望阿ti嘅老師會鐘意啦
tiba話樂園嘅餐廳冇啖好食 最緊要係貴得嚟唔好食
所以我地決定食埋先入場 我地揀左兩個靚靚定食
埋單仲平過迪迪尼嘅薄牛扒餐...迪迪尼要好好改善下menu同價錢咯
我地去虎虎生福嗰日落雨呀 一時大一時細一時冇咁啦
一去到就睇下d精品先 阿ti今日特登著華服應下節
好辛苦先叫到佢喺桃花前笑住影一張相
阿ti一去到迪迪尼就醒神晒 仲係咁話要同donald影相
喺小鎮大街 有一對用花做嘅mickey minnie... tima覺得好恐佈呀 (個人意見 嘻嘻)
d花瓣搞到mickey minnie好似唔吉利嗰d"紙x"咁 唔靚之餘好驚驚
點解整對咁嘅野喺度 有好多人都話唔靚 但又排隊影架喎 哈哈
話雖如此 睇得出真係有心思同好大工程嘅
本來想同tigger影相 話晒今年虎年嘛 點都要同主角影嘅
點知阿ti點都唔肯去排隊 話虎虎肉酸 唉 算啦 阿囡唔影就唔影
唯有去搵其他新年公仔影相相啦
好野 財神高飛 阿ti好遠已興奮大叫 :goofy呀!!!!!
於是 我地排左一陣 好快就同高飛嚟張相 哈哈
其中一張好好笑 tiba同goofy都唔知喺度望咩 兩個傻豬~
之後再同阿ti最愛嘅chip同dale合照 tima喺度開始唔舒服喇
相反 阿ti好鬼熱情 喺咁hi係咁摸阿chip...
今日有玩buzz 仲有睇巡遊 因為落雨 冇新年巡遊
反而有幾精彩嘅下雨天巡遊 未睇過架!
今年新年d佈置都好靚 有tima嘅飛弗 小矮人 呵呵
落雨喇 我地去左排隊同公仔影相
mickey同minnie係排左最耐嘅 成個鐘呀
好彩影到張好靚嘅全家福 大家都有恭喜 恭喜
tima勁鐘意呢張相 阿ti好cute呢! (忍唔住讚一次)
排得好攰 我地去左火箭餐廳食tea 一出嚟 就見到阿拉丁
哇 好靚呀 阿ti自己要求去影相 仲唔比tima陪影 巴屎閉
除左小矮人 阿拉丁 仲有阿belle tima有好多個belle嘅水晶球
由小學開始 tima就迷上minnie同阿belle 屋企周圍都見到佢地架
呢個一就知係snow white啦 tiba話係茉莉公主 ~_~
tiba唔想影 但愛囡誠邀之下 屎屎氣去左影 哈哈
阿ti話好好玩呀 轉轉轉轉 tima狂轉杯杯 終於阿ti暈杯浪
去到small world訓低左 好好笑 原來阿ti好易暈浪架
見到木馬 邊有可能走得甩 阿ti玩到kaka笑 tiba見阿ti咁好滿意
tiba仲同tima講 : 阿囡最鐘意玩木馬 我都好開心呀!
臨離開disney 睇多次精品 新年嘅精品真係唔靚
tima反而買左兩枝筆 兩枝筆分別係donald同minnie扮bb 一百分可愛
七點幾喇 同阿ti影多幾張相就走喇
雖然阿ti好唔捨得 但都冇扭計 好合作咁返屋企
三月會唔會再嚟呢? tiba多數冇假期
tima決定約其他媽媽去迪士尼玩 嘻嘻 飛起tiba!
早抖啦 虎虎生福disney!
沒有留言:
張貼留言