聖保祿幼稚園 St Paul's Kindergarten
終於做晒全部interview 哇 鬆晒!
今日去spk度in嘅家長都一定苦笑 因為小朋友嘅表現啦 被問過咩野啦 我地完全唔知
我地比interview時間早左去 點知一去到就好快安排上樓做interview
去到課室出面 櫈都未坐過 阿ti就被安排同幾個小朋友組成一個group 小朋友被要求自己揸住準考證入課室 家長唔比陪同進內 (tima一早就阿ti講左學校會有呢個安排 阿ti好清楚要做d咩 好清楚要自己作戰 冇媽媽陪 唔可以喊 但話雖如此 tima都好擔心佢臨場反應 畢竟佢都仲係兩歲半未夠)
阿ti前面有兩個小朋友 一個已經喊左 另一個死抱住阿爸唔肯入課室 tima嗰陣心好慌好驚呀 再望一望阿ti 佢笑得好假 (我諗佢其實好驚 但死唔認輸 強顏歡笑) 佢一眼都冇再望過我 就繞過嗰兩個小朋友 自己入課室...
呼~ 真係滴晒汗 阿ti加油呀 千祈唔好喊!!! 一喊就唔洗諗架喇 (一喊嘅小朋友就即刻被終止interview 老師會比佢地搵父母)
當阿ti入左去冇十秒 門突然開了 隨即聽到喊聲 tima心離一離 望一望 噢 唔係阿ti~ 呼
之後再過嘅幾十秒 都有開門聲 陸陸續續有小朋友喊被"請"出嚟搵父母 頂! 人地今日心血少 真係唔嚇得! 依家仲好記得個門鎖聲...
到最後 大約過左五分鐘 阿ti同兩個小朋友出嚟 阿ti依然笑得好假 哈哈 個樣好傻豬
tima即刻問 : titi有冇喊呀?
阿ti話: 冇呀 我冇喊呀! (呢頭講完 tima見佢開始有d眼濕濕 佢其實真係好驚 一見tima就忍唔住喇)
tima即刻問 : 老師問你咩問題呀?
阿ti話: 佢問咩名
tima : 咁你點答?
阿ti : 我叫談諾兒 老師問我眼眼呀
tima : 眼眼?
阿ti : 眼眼用嚟做咩架?
tima :哦 咁你點答？
阿ti : 眼眼用嚟望老師眼晴架
tima ~_~ 心諗阿囡你次次答案都咁玩野嘅 唉~~~
阿ti再講老師問佢幾多歲呀 男仔定女仔 仲有玩lego...
聽到呢度 tima突然覺得好攰 可能頭先太緊張 同埋個結果都成定局 唔好再諗咯 最少阿ti冇喊同答左問題 tima覺得好夠喇 就算入唔到都盡左力 只怪同學校冇緣啦
結果三月會知... tima估多數唔得架喇 真係好多人去in 十七個先收一個 算吧啦 嘻嘻 志在參與!
p.s : tima有d唔開心 點解冇見家長嘅 等人地仲作好晒d答案等你問 野~~~~
沒有留言:
張貼留言