星馬 2011 ☼ Melaka River Cruise

六六事件

 

點解我會換左裙? 因為我扯爛左條白色裙呀 比媽咪鬧左一陣 鳴鳴

我後面嘅係祈禱亭 如果嚟到馬來西亞千祈唔好著鞋踩上去呀

下一站玩咩?

我地落水呀 哈哈 參加Melake River Cruise 船程半小時 呢架船會帶我地去馬六甲嗰邊架 沿途仲有好靚嘅風景tim

好緊張呀 Ada姐姐話有機會見到好大隻嘅"四腳蛇"架

哈哈 我個樣有冇"馬拉" feel呀?

河嘅兩邊都有好多景點呀 let's go...

見到我地搭嘅船喇 好靚呀 色彩繽紛 very good!

小妹妹同我講佢好想快d上船呀 我都係啫

好喇 Ada姐姐安排好 我地上船喇

我地包船坐 冇其他旅客

我好耐冇遊船河喇 所以心情好好 全程都笑咪咪

河度有好多魚 但未見四腳蛇嘅?

d風吹埋嚟好舒服呀 馬來西亞都唔係好熱啫

沿途Ada姐姐都同我地介紹岸兩邊嘅建築同名勝

突然...船停左

原來Ada姐姐見到四腳蛇呀!!!! 真係四腳蛇 唔係蟋蜴呀 好驚呀 成條魚咁鱷魚咁

哇 呢條邊係四腳蛇呀??? 同屋企見嗰d爭咁遠嘅? 但Ada姐姐話係馬六甲河呢邊係好多呢d四腳蛇架

公公指比我睇 原來嗰邊都有一條呀!

hehe 好緊張呀 仲有冇四腳蛇出現呢?

睇睇下d咁靚嘅風景 開始忘記左四腳蛇lu

 

點知.....哇 呢條咩嚟架????又係四腳蛇???? 咁長嘅??????

好似動物園咁嘅 好得意呀 點解觀光客運變成動物觀光客運咁嘅 

原來呢次遊船河最大嘅得著係睇馬六甲四腳蛇 多過觀光咯 哈哈哈哈

睇完呢條咁長嘅四腳蛇 我地嘅驚險遊船河到呢度玩完 hehe 真精彩呀!