六七事件
Jurassic Park嘅電影 我已經睇到識唸返出嚟喇 咁多集我都睇晒架 由初初要媽咪陪我睇 到之後我自己開嚟睇
我愛上了Jurassic Park 也愛上了恐龍! 所以依家心情好興奮 不停追問一陣見唔見到暴龍啦 速龍...
另一方面 daddy上網得知影城最多人玩 要排最耐隊 就係jurassic park 於是媽咪第一件事衝去玩左先
但係去到我好唔開心呀 因為我唔夠高玩 我失望都喊起來 經過佢地一輪安撫 先開心返d
公公婆婆為左哄我 仲比我揀左樣我最愛嘅玩具 yeah!
睇下 我初初心情仲好好... 明明我過左104cm 但嗰度話我唔夠 冇得玩
唯有放daddy 媽咪去玩啦 其實佢地喺日本環球影城已經玩過架喇 但話冇咩印象 加上佢地覺得可能會有d唔同 所以最後都去玩
平時打晒蛇餅...點知可以一路向前行 順通無阻
媽咪佢地上次玩嗰陣有著雨褸 點知都濕晒 諗住今次慳返唔買 點知...錯晒
平日要等50分鐘 我地因一早玩先 所以唔洗排隊 好快上左船喇
果然幾好玩 音響加埋模型都唔錯
媽咪話我如果入去都幾驚喎 所以都係算啦 下次我先玩
睇下daddy同媽咪 濕鬼晒
我呢? 等到佢地出嚟 心情已經好返好多 仲飲緊汽水 呵呵
等你地咁耐 到我玩喇卦
我要求坐恐龍
哈哈 好得意 平日坐小飛象 今日坐恐龍
都係可以chok高chok低架 但呢隻恐龍搞鬼d 唔hold個柄就直跌落去架
哇 兩隻咁假嘅恐龍 喺度玩咩呢?
公公婆婆買左咩比我哄我開心呢?
就係我揸住呢隻恐龍喇 估下幾多錢? 媽咪知道價錢 嬲到個頭噴煙呀 係咁話公公婆婆寵我 縱我...
隻膠恐龍 = SGD 39 (Around 250) ~_~"
媽咪知隻"膠龍"咁貴之後 我扭買恐龍popcorns都失敗喇
嘻嘻 唔怕話你知丫 我穿呢件新嘅恐龍tee都係公公婆婆買架
係我自己揀架 靚唔靚呢? 媽咪見到之後個頭再噴煙 話我bad taste 又話貴...又話似bossixx
佢後嚟忍唔住買多件黑色嘅tee比我...車 我覺得紅色靚d喎
最後呢張相真係好珍貴 難得冇人呀! 嗰陣係十一點 我身後一個人都冇 有邊個去影城可以影到呢張相呢? 哈哈哈
玩完Jurassic Park呢一part daddy媽咪再一次留低我 佢地去玩 mummies...
沒有留言:
張貼留言