白色대한민국聖誔之旅 - 飄雪

Day two

 

第二日 一朝早媽咪打鑼打鼓咁叫我 : 落雪喇 落雪喇 Ti Ti

我即刻醒晒 衝出露台 哇 真係落緊雪呀 丫 唔係 正確嚟講係飄緊雪先啱

個景即刻靚晒

d雪加埋歐陸色木屋設計 真係好靚呀

我地三個都不其然吸一大口氣 好舒服 好relax 好放假嘅感覺啊!

嘻嘻 媽咪冇講大話 我地真係嚟睇雪喇 真係落雪呢

之前喺圖書睇到嘅落雪依家出現喺我眼前 好興奮呀!

daddy同媽咪雖然見過幾次落雪  但都同我一樣咁興奮啫

我地約左Rick哥哥去滑雪呀 所以換好滑雪服先

呢套蛤乸滑雪服係媽咪喺香港買定比我架 通常呢種蛤乸滑雪服嘅size去到四歲

媽咪一直堅持要我著連身蛤乸衣  因為過左四歲就冇得著呢d滑雪裝呢

所以翻轉左個香港先買到一件 仲要係display 好靚好型哩

的確著蛤乸服喺雪地行 真係cute d呢

落到樓 好靚呀 全部野都鋪左一層薄薄嘅雪 喺天上飄落嚟嘅雪

感謝神 一直都很順利 我地見到最靚嘅初雪景像

如果二月嚟就唔係初雪 冇咁白 d雪都冇咁令

抬頭一望 很多雪飄落嚟呀

用手接住 媽咪教我地雪花 ; 用腳接 落鞋濕晒lu

; 用脷接 hehe好凍 好似飲冰水咁 

我伸出手 : 原來聖誕節會飄雪架 係真架 媽咪...好靚好靚呀

大家哇哇聲過後  換嚟一片沈寂 很冷啊!

Rick哥哥話今日係負九度 真係好凍 大家嘅笑容都凍僵左 

凍到眼皮都翻埋 真係好凍啊

媽咪講得最多嘅係  : oh, my baby 好cute呀 套蛤乸衣真係好cute...

到底媽咪讚我定讚自己買嗰套衫呢?

冇幾耐 開始聽到yeee同媽咪嘅 Aiya Aiya 聲

小心呀 兩位大姑 個地好跣架

聰少喺雪地上仲抱到我 小心跣呀!

Daddy Mami 仲有我

見唔見到張全家福? 完全out focus...

好彩有另一張啫

 

早餐嘅地方有個露台 後面開始刮風雪喇

希望一陣滑雪嗰陣冇咁大風雪啦  臨食早餐前  比媽咪影幾張靚相先...靚唔靚呀?

本來媽媽準備左一頂白色冷帽同我母女帽架

都係daddy衰 自己唔準備冷帽 拎左媽媽嗰頂 搞到媽咪失預算 要戴我嗰頂

全家福 我笑得最靚 佢地都凍僵左

哇 入到餐廳 好暖呀

好快有一set豬扒湯烏冬送上 熱騰騰 香噴噴呢

d烏冬好好好好味呀 好滑好彈牙

豬扒炸得非常好  所以我自己都食左三分二

食飽飽 向滑雪場出發lu

今日我要學識滑雪 仲要玩雪兜 yeah!