白色대한민국聖誔之旅 - 豚肉火鍋 - Ocean 700 @ Alpensia resort

 Day one 

 

Yeah! 終於喺韓國食第一餐啦

我地食韓國火鍋 豚肉火鍋 ....

有金菇有豚肉仲有好多韓國餐前小食



食飽飽 就去附近嘅水果販賣檔買士多啤梨

媽咪偷偷買左一盒哄我開心呀 哇 d士多啤梨好大粒架

留返酒店先慢慢嘆

食完lunch就出發去滑雪渡假村lu

今晚我地會喺嗰度訓一晚  第二朝就可以去滑雪咯



我地住嘅滑雪渡假村係韓國最新最靚嘅滑雪渡假村

好有歐洲風情啊

好野 我地有第一間酒店住咯

一去到房間 原來今晚要訓他他咪

原來地板舖左暖氣管 所以訓地下都唔怕凍 入到屋就要除左鞋啊

真係一個好得意嘅體驗呀 地板真係暖笠笠呢

休息一陣

我地又出發咯

我地去Ocean 700呀

一個好好玩水上樂園

裡面好多野玩呀

仲有埋溫泉浸tim 媽咪玩呢度同長隆一樣有好多滑水梯玩 仲好乾淨tim

哇 呢個水上樂園都好先進架

有獨立lockers鎖鞋嘅 亦都有獨立衣櫃 全部都用一條key鎖好晒

之後仲可以用條key喺場裡面消費



爸爸同媽咪佢地第一時間睇中左大喇叭

成日想去長隆玩呢樣野  估唔到喺韓國有得玩!

媽咪玩完出嚟  話原來好鬼驚架 最驚係個水泡好似就嚟反咁

嚇到人個心跳左出嚟 一味話驚 一味衝左上去玩多兩次

呢條穿牆滑水梯 得媽咪冇玩到 因為玩完大喇叭之後未回魂

佢地話呢條SLIDE都好好玩喎

但係大喇叭仲驚過呢條...

佢地去玩滑水梯咁我玩咩呢?

我梗係唔會企喺度等佢地咁傻啦

我同公公婆喺兒童天地玩slide同水槍呀 好開心 d水好暖好舒服

最後 我地都忍唔住去租左浮衣玩wave pool同Lazy pool呀!

原來wave pool好勁架 我見聰少同爸爸都玩到被浪衝到飲晒水

yeee同媽咪玩左唔夠兩下就比浪捲返上去


之後去左玩lazy pool

lazy pool即係一條有浪推下推下嘅一條水道 呢個真係好好好好玩架

我地四個大人加埋我 一齊喺度浮下浮下 又比推向前 Lazy pool 好好玩!

好玩還好玩  我地stay左四個幾鐘  係時候要走喇

大家都大滿足地離開



望下個滑雪場 好靚呀

呢度d人都好鐘意夜晚先嚟滑雪架 又難怪嘅 個景真係好正

我地企喺度都吸引住 唔想走

期待聽日嚟滑雪玩雪...