小ti在談家的第一餐團年飯

                 一早小ti就起左身 吵吵鬧鬧係都要令我地兩個起身

         天氣咁凍 mami同ti爸梗係想訓多陣啦 所以就"的"左titi過嚟同我地訓

      

       "的"左佢過嚟 佢完全冇訓 仲好似好high咁狂叫 唉 衰囡 靜一陣啦

                   養左陣神 終於受唔住臭豬d音波功 都係去餵奶吧啦

  搞掂晒d野 就去剪頭髮過年嘛 mami同ti爸都淨係整colour 金銅色好醒神呢

             整完頭又去食genki 因為唔太肚餓嘛 食一兩件sushi就得啦

       

   titi真係好為食 係咁望實碟蝦sushi 直情想食落去呀!

        

                                            飽飽就出左去尖沙咀

                   

                  買奶粉 同titi嘅乾糧 今日買嘅都係和光堂嘅出品

         

            比錢嘅時候見到有個日本佬掃左四罐和光堂呀 唔知點解好開心

      仲好想同個日本佬交流下tim (痴痴地 mami連日本話都唔識 點交流呀)

  除左奶粉同titi食糧外 mami仲發現左一枝好好味嘅檸汁 好酸好正 介紹過你飲丫

                飲住檸汁 食埋ti婆買嘅豆沙餅 係一餐方便得嚟好吃嘅下午茶啊

           

                        行完尖咀 我地就同ti婆各散東西咯 (有送佢返屋企嘅)

                                  返返屋企準備食談titi第一餐團年飯呀

                   titi又喺姑姐張床度影靚靚呀 ( by 姑姐)

           

          

          

              

                     ti嫲今晚整左好多餸呀 有斑啦 有蝦啦 有雞啦 仲有魚翅湯tim

           

                     一家人食得好開心 mami仲同奶奶講 :

   奶奶 上年團年 坐低話今年會多個人食團年飯(titi)

         今年呢 就話titi下年團年嗰陣可以一齊食lu

                   諗諗下 其實一年真係好快過呢

                       係時候為囡囡多做點準備了