今日係復活假嘅last day啦 titi 爹地同mami攞假夾埋陪左你六日啦
六日裡面日日都去玩 日日都有活動
希望你睇多d野 
吸收多d
喺呢六日裡面 mami發覺你特別鐘意大自然呀 
次次一去到公園呀 見到草呀樹呀 特別開心 仲好鐘意吹海風tim
所以今日假期嘅尾聲 mami決定用半日時間同titi去海邊
我地今日去數碼港 好冇? 林ee住喺貝沙灣呢 好近呀
去到cyber port 第一個感覺係 哇 乜呢度變左個死城咁呀 睬~
但真係冇乜人呀 我地搵左個靚位食lunch 你睇titi坐得幾舒服 !
食完餐好好味嘅lunch 就去左貝沙灣出面個coastal行 同埋影下相
點解又有咁多狗架 一個賓賓拖四隻狗出嚟 唉 有錢人嘅玩意
個海好靚呀 林ee就好啦 日日都望住咁靚嘅景
cyber port裡面有間叫wise kids嘅玩具店 好"串"架
你行一步 佢跟一步 唔跟都用眼去跟 
間店已經冇人行架啦 仲要唔比人試玩d大件玩具 唔比影相
mami見到好多figure好想影呀 又唔比 (有毛毛同大眼仔)
件件玩具都過百 貴嗰d幾萬蚊都有 (一本布書都四百幾)
算啦 titi 我地唔啱玩呢間店d野架啦 我地去反反城仲開心啦
走嘅時候想介紹下呢個咁筍嘅parking比大家知 
就係呢個位啦 冇人抄牌架 我次次去都ok
如果抄左你嘅唔好話我喎 嘻嘻
離開cyber port 我地去拜titi嘅太公呀 titi自己攞住花花去丫
呢次係titi第一次拜太公呀 我都好感動 好安慰 mami好錫自己公公呢
我見到titi太公個靈位d花好新鮮 唔知邊個嚟拜過佢呢?
喺返屋企嘅途中 依莉媽電我呀 叫我去bbq 我唔bbq啦 淨係同鋒仔影相
鋒仔細titi少少咋 都算青梅竹馬 titi一見到佢仲好開心tim
係咁想摸鋒仔 影相嗰陣 仲係咁望實鋒仔呀 (可能鋒仔靚仔啦)
返上樓 mami訓左一個好酣嘅午睡 一覺醒來 就落樓攞相
順便影下shopping mall嘅復活佈置 咁近嘅mall 依家先影 哈哈
跟住今晚就去ti嫲屋企食飯 睇電視lu
充實嘅一個holiday終於完結 titi聽日陪嫲嫲啦
mami同爹地要返工lu (mami好想返工tim) 放工先陪你lu
聽日同你約定五點半 返嚟接你啦 好冇?
沒有留言:
張貼留言