ti爸和titi

   首先 容我紀錄一下 : titi識拍手手啦

佢喺尋日同今日都自己拍手手呀

  仲要係手掌伸直咁拍

  絕無欺場呢 可惜冇拍低video 來日方長呢~

       titi出世嗰陣 我生得比較辛苦

    佢個膊頭唔啱位 出唔到嚟 折磨左我十四個鐘

   醫生都同我講左 由於阿b喺我"尾龍骨"磨左咁耐

  叫我預左腰骨會痛 冇錯 係真呀 坐得耐 patpat尾骨很痛哩

     加上依家我跪低依然有d難度 (個肚太大累事)

   腰骨差 坐得唔耐 搞到餵奶嘅任務好多時由ti爸負責

特別坐月嘅日子 很累很累 ti爸很多時都很細心抱titi 餵titi

         抱抱下 餵餵下 依家慣左都係ti爸照顧titi多d架

  好順理成章地 titi同佢爸爸係friend d架 喺titi嘅心目中爸爸係忠嘅

     例如:

    ~ 爸爸放工 一開門 titi好多時尖叫 勁high架

    ~爸爸一放抵d野 titi就張開手要佢抱

    ~人多嘅地方 titi唔耐煩  ti爸冧兩句 佢即刻收晒聲 伏喺ti爸度

    ~ 同ti爸打機 睇波

    ~ 平日titi嘅笑笑相 全靠ti爸引佢笑咋

   ~ 喺ti爸身邊 titi永遠最多bb話要同爸爸講

    ~ 有一次 ti爸喺朋友屋企打麻雀 titi累c啦 只要ti爸抱住 佢唔扭 唔出聲

   走嘅時候 mami見到titi雙眼腫紅了 很累呢 呢個傻豬好比面爸爸呀

   我未見過titi咁累唔扭計架 係ti爸令佢靜靜陪打牌

      titi豬 mami開始有d妒忌咯 雖然你見到mami都好開心 好high

   可惜都唔似得你同ti爸咁開心 咁friend呀.....

   但都好嘅 如果你聽ti爸話 ti爸咁錫mami 咁你第日都會好錫mami咯!

 

  

   呢張相係titi陪ti爸打機嗰陣 mami偷拍架~