破天荒~沒有拍過一張相的星期六

    自從mami去完旅行 個人散晒 好累呀

   可能5日冇打過blog 返到嚟 好唔想打 好懶呀

    尋日半日返工 收左工 titi嚟接我呀 好開心 呢排特別鐘意佢

一來 佢大個左 明事理左抵錫左 二來 幾日唔見 小別勝新婚呢

 同佢去左中環IFC mami終於買左銀包呢 好開心

    呢份算係賞自己嘅禮物 六月出佣啦 yeah~ 終於等到咯

    titi同店裡面嘅姐姐玩得好開心 而mami就更加開心

  想買好耐嘅野 終於可以買 一種女性嘅虛榮完全出晒嚟 (c得咯)

  買完包包 就行埋超市 titi呢排好鐘意飲一隻蘋果汁呀 $16一枝

   喺city super有得賣 佢依家一見到枝野 就識得發癲呀

所以要入多d貨 另外梗係買埋和仔奶粉啦

  自從轉左大仔奶 titi嘅大大有d硬呀 令我有d擔心 要睇定d先

  

   離開中環 就直入荃灣 食下小食 行一陣街 就接ti公晚飯

     去左荃灣廣場 食左一餐美味嘅牛排 titi婆婆萬歲

      飽飽 再街街 街街完就bye bye

  到走嘅一剎那 mami突然諗起 噢 今日一張相都冇同titi影過呀

     大件事啦 mami唔記得同titi影相 冇可能呀!!!!!

   相機冇 手機都冇 一張都冇呀 哈哈 mami有d老人痴呆呀....