titi同ti爸嘅第一個父親節 首先祝天下嘅父親 父親節快樂
一般嚟講 多數人會覺得媽媽偉大d 多野付出d
但ti爸喺 mami心目中係例外架 mami好少喺人前讚自己另一半
今日喺呢度忍唔住要讚佢一句 You are the best!!!
喺mami坐月嘅時候 ti爸怕mami辛苦 夜晚唔比我起身餵奶
家務盡量唔要我做 所以好多照顧titi嘅野 mami都冇做過
mami自問好少喺體力上作出付出 哈哈
正式d講一句 我除左生佢出嚟 都冇咩特別照顧titi
依家餵奶都係爸爸 抱titi行街街都係爸爸 (冇用bb車冇用咩帶架)
爸爸 我同titi都知你辛苦啦 所以今日特別慰勞你嘅
我地今日嘅節目係 陪爺爺早茶 之後去左沙田
再入馬鞍山公園 偶像 我有諗過會撞到你 可惜冇呀
呢個公園幾好行 下次一定會再嚟 (秋天先啦 哈哈)
ti爸一直表現得很累 可以睇波卦 但佢都好比心機陪我地周圍去
最可憐係上到車 我地個個訓 佢就好比心機揸車 sorry呀
你老婆會好快揸返車 你會舒服d架啦 真架!!!
離開馬鞍山 就出返去尖咀 yee ee同我行街 其他人就車上訓覺
直至七點半 就去左海港城嘅"加州薄餅廚房" 哈哈
哇 yee ee好叻呀 book嘅時候留到窗口位
今晚個海景好清好靚 野食好好味 滿分
食完就返屋企 mami依家再努力整相 要喺星期三前整晒
點解咁趕呢? 因為mami有張快圖美coupon 七折呀
c人都拿拿聲一次過晒啦 一百蚊計七十 爭好遠呀
我要加油 titi ti爸 你地訓先啦 我會努力架啦!!!!
沒有留言:
張貼留言