小喬titi@黃金海岸泳灘

                       shampoo尋日打比我 問我今日去唔去黃金海岸呀

      我二話不說就話好 (雖然肚仔仲唔舒服) 但好似好耐冇同titi去wet過嘛

               星期六唔洗返工 一早就比ti爸捉左去鰂魚涌 攞張整車咭

                            好耐冇同愛驅扮靚靚喇 半年一次啦 嘻嘻

            跟住就直去荃灣接ti婆 今日ti婆要返半日工呀 titi去接佢收工

               之後就去左食red ant 貪佢有粉食嘛 行左一陣 就嚟四點

                      就啦啦聲走去屯門接shampoo一家 (小喬媽一家)

 

     準備好晒就出發啦 嘻嘻 都算快搵到車位 (咁多大曬秒陽 多數難搵嘛)

           titi同小喬完全冇mood去玩或者影相 可能太曬喇 連我都辛苦

   

                    

                     

                  

                     

                    

                     

                    嘻嘻 佢地兩個都喊晒呀 反而我同shampoo玩得勁開心

     alvin媽你知嗎 我地一路玩  一路提起你架 唔知仔皇今日有冇攞no1呢

                  玩左沙一陣 我地就衝落海嗰邊 哇 d水好啡呀 好恐佈

                    

                   

   

    

    

                      

    

                 點解仲咁多人游水嘅??? 都係鐘意石澳多d呀 沙幼 水清

              shampoo 下次去石澳丫 可以bbq 順便玩沙灘排球呀 開心開心

                                         下次仔皇一定要嚟啊!!!

            離開沙灘 就去左市集嗰邊 同titi玩車車 可惜小喬訓左覺咯

                 

                  

      

      

      

       

                    

                 titi玩車車嗰陣 撞到個嘴仔呀 喊左一陣 之後再玩過

             多謝shampoo幫titi影左咁多靚相  我一陣會過嚟偷架啦 呵呵

                           

                          接埋ti公就去晚餐 titi今晚比yee ee留低左呀

                          我地二人世界之餘 佢地可以同titi玩 多好

                 titi知我地走 仲同我地bye bye 唉 女大不中留呀 囡呀囡~