十月十五日 天晴
十三個月至十四個月閒記
titi要打肺型鏈球菌針第四枝 打完就放心咯
mami今次請假陪titi去 因上次一歲針mami冇陪titi嘛
有個客同mami講 小朋友愈大就愈要人陪打針 ...所以請左一日假啊
一早起身 就去搵titi (titi喺婆婆度) 落到停車場見到架車
唉 我幾時自己一個揸車出去呢 mami話過要揸車接titi放學嘅
死死氣坐港鐵過荃灣啦 過到荃灣都未到十一點
仲有時間同titi去打韆鞦 你睇個衰豬幾肉緊 哈哈
跟住同titi公公婆婆飲茶 titi好眼訓咁 琴晚肯定掛住玩 訓得好少?
婆婆話佢訓左好耐... 下 咁一陣打埋針咪仲眼訓?
去到診所 姑娘都認得佢 因為婆婆比左titi月曆咭過佢地嘛
titi好友善咁逐個姐姐say hi 仲笑笑口咁
哈哈 佢好似唔認得診所 未知一陣拮痛痛呢
mami準備定餅餅 如果佢喊都可以哄佢
醫生同titi say hi之後就嚟啦 titi望住我包餅嗰陣...拮
睇住佢變樣呀 本身好奇望住餅餅 之後好驚咁哇一聲
哎呀 喊左幾秒收左聲 就自己揸住餅餅咬喇 mami呆左 咁都得?
證明titi幾為食丫 有得食比人拮都唔驚唔喊....
拮拮完就同titi去科學館 星期三免費進場 慳返75蚊 (3位)yeah
今次去完有排唔洗去咯 好多野都未啱titi玩 未啱titi學....
但個衰妹好似好開心咁 周圍行 周圍"press button"
嘻 平日最好就係去假日多人嘅地方啦 人少d唔洗煩 唔洗排隊
鏡子世界裡 有幾多個諾兒呀?
titi一放手 波波一飛 嚇到幾驚 哈哈 洗唔洗呀 囡~~~
諾兒錄影室內.... titi幫mami做錄影呢 ^^
離開科學館 mami就去左旺角幫titi大量入貨 買衫仔過日本
呢個日本之旅mami好有心機去準備 付出嘅心機多過生日會呢
titi去到日本 一定會變成日本娃娃嘅 型爆日未bb ...cutie日本妹妹
仲爭一衫未諗到 其他都襯好喇 mami好滿意
希望去到日本順利影到好多靚相啦 仲有幾星期.....
買完衫就去新世紀度休息下 順便同titi去公園玩一陣
新世紀依家整左個halloween嘅佈置 好得意 但驚有機關
所以冇去呀 驚嚇親titi嘛 一陣彈d野出嚟就慘喇
去food court食下野 休息下就算啦 嘻嘻
晚飯搵埋ti爸去食愉城魚米家 去到嗰度我地c晒啦
原來ti爸唔喺度 自己行嚟行去係咁辛苦 下次冇ti爸唔去街咯....
我地一個月前都去咗科學館，欣欣都未識玩，都係大人玩多啲！祝titi去到日本，變成最型爆嘅cutie BB！等睇你啲相！
回覆刪除[版主回覆10/17/2008 14:32:00]thanks!!!一定要潮爆 型爆 cute爆 yeah
titi隻眼好鬼圓呀,我前排都想去科學館,不過d fd唔得閒.......地板斜左o個張好有森美術館feel呀!!!
回覆刪除[版主回覆10/17/2008 14:31:00]圓呀 d人都話佢圓
下次一起去咯 ^^yeah yeah baby~~
的確用盡一日既時間呀, 勁
回覆刪除[版主回覆10/17/2008 14:29:00]梗係啦 大假嚟架 哈哈
科學館真o係幾o岩小朋友玩,不過titi咁細可能唔識玩喎,遲d再去過la
回覆刪除[版主回覆10/17/2008 14:29:00]依家都ok嘅 但大個d就good fit咯 ^^
有時覺TITI個樣好似好多問號咁！好搞笑！
回覆刪除[版主回覆10/17/2008 14:29:00]係咯 我都成日覺得佢好似好多野諗唔通嘅樣呀... 真係好多野諗咩 ?
嘩！科學館好多野玩咁喎，真係揾日去下先得！
回覆刪除[版主回覆10/17/2008 14:28:00]去咯 如果好似我星期三去最好 一來唔洗錢 二來少人嘛 ^^
titi月曆咭,係唔係每位Blog友一人一張架
回覆刪除[版主回覆10/17/2008 14:27:00]好 第一個比你 ^^
titi好勁喎... 由朝玩到晚都咁精靈... 眼仔睩睩嘅...
回覆刪除[版主回覆10/17/2008 14:27:00]哈哈 佢好眼訓嗰d相冇放上嚟啫 ^^ 同埋佢都好爛玩下架
TitI Ma..我今日食lunch時..係麵檔門口有個靚女等外賣..個樣有d似妳架..
回覆刪除[版主回覆10/17/2008 14:21:00]野!!!! 咁都比你見到 冇可能嘅 哈哈 我著咩衫先.... 你應行過去細細聲叫 tima 睇下嗰個人理唔理你嘛
你一個人揍得掂titi,真厲害呀
回覆刪除[版主回覆10/17/2008 17:17:00]咪傻啦 係婆婆加公公呀 呵呵呵 我係一個唔熟手嘅媽媽嘛 ^^
恭喜! 恭喜! TITI姐姐終於完成肺型鏈球菌嘅預防針, 我下個月就打第二針喇!
回覆刪除[版主回覆10/17/2008 17:16:00]yeah 朗朗 拮多三枝就成仙架啦 哈哈哈哈
科學館我都好耐冇去呢..而家好似好多野睇咁wo..
回覆刪除[版主回覆10/17/2008 17:14:00]well 其實都係嗰d野嚟架 哈哈 同我中學做visit嗰陣一樣咋 我中學時你小學啦 ^^
荃灣友~ 快啲同titi嚟搵我哋tea一tea喇 ^^
回覆刪除[版主回覆10/17/2008 17:13:00]好 幾時tea一tea yeah!!! 就去你會所玩啦 哈哈
肺型鏈球菌針出年免費呀~!! 不過桐桐都打曬啦~!!
回覆刪除[版主回覆10/17/2008 17:13:00]打曬咯 呢枝唔敢唔打 好似好恐佈呀
我冇俾小喬打肺鏈, 唔知下年推出個陣仲打唔打得切呢...免費我就打
回覆刪除[版主回覆10/17/2008 17:13:00]打啦 等咩免費啫 你買件衫都唔止啦 死野~~~ ^^
星期三去科學館，呢個節目真係唔錯，等我又帶十五去玩下先。 titi去日本，好正喎！帶多幾件厚衫呀！
回覆刪除[版主回覆10/17/2008 17:12:00]yeah 依家佢細個就玩多d 第日k3就冇咯
正呀 帶多幾件衫 係呀 仲帶好多野tim 噢 賣桔
科學館最低果層有個地方比b爬架...有無去到呀...
回覆刪除[版主回覆10/17/2008 17:09:00]野 最衰都係阿嬸話唔啱titi玩 呃我嘅 啍 ^^
TITI真係好, 成日都有街街去~!! 我想禮拜日帶桐桐去禮賓府影相, 唔知多唔多人呢~? TITI媽有無興趣呀~
回覆刪除[版主回覆10/17/2008 17:08:00]禮賓府有咩玩呀 我今個星期日book左場玩tennis呀 搵次叫埋阿wing 去丫...但佢個囡依家發燒ing呀
但我對禮賓府好有興喎 嘻嘻
回覆刪除真係好緊湊既一日,唔怪得下次要拖埋ti爸一起出街啦. 我好鍾意這張肉緊時既titi樣.好搞笑呢
[版主回覆10/17/2008 21:21:00]嘻嘻 好似人地玩緊海盜車船咁呀 好一個傻妹呢 ^^
科學館都好似幾好玩咁喎!我都搵日帶天行仔去玩先,唔知星期六日會唔會好多人呢!
回覆刪除[版主回覆10/17/2008 21:23:00]星期六日好多人呀 好多小朋友推撞 但天行仔咁大個唔驚 你就小心自己呀 唔好比人撞親 ^^
我上個星期本應要去科學館架,
回覆刪除點知傻下傻下入咗博物館,
不過都好好睇,
睇完你個blog先知科學館仲正.
[版主回覆10/17/2008 21:23:00]哈 我反而去完科學館都想去對面架 ^^
好期待titi既日本look呀~~~記得影多d相我地睇呀~~
回覆刪除我都覺,而家得我同思行出街,我一定攰c~~
[版主回覆10/19/2008 00:32:00]真架 嗰日行到咁上下 我同公公婆婆都絕望喇 嘻嘻