十三個月至十四個月閒記
十月四日 有雨
好野 mami同爸爸連放四日假陪titi
由於尋晚送左titi去婆婆度渡假 mami同爸爸可以訓到十點
之後施施然拍拖出灣仔食靚早餐 有時titi唔喺度都幾開心架
兩個大人鐘意去邊就去邊 食咩就食咩 睇咩就睇咩
樂得自在三個鐘 就去返荃灣接 titi同婆婆去街咯
婆婆逗得titi好開心 titi終於認得自己架車車喇 離遠就指住我地
mami好開心咁落車衝過去錫下titi 而titi就好嗲咁叫 "mama"
第一站去左愉城嘅冒險樂園 幫titi整個member先
見d小朋友玩得好開心 mami都好期待第日同titi去玩
titi去到樂園成個人開心晒 精神晒 仲揸住張membership咭tim
以前婆婆帶mami去樂園之前都要講條件嘅 mami都要同titi定條件先得
所以mami以前讀書成績好就係咁解咯 ^^ 想去就要溫習 做好功課
依家衰妹未讀書 條件就定 : titi要聽話先有得去呀!!! ^^
之後決定去深水埗福榮街食劉森記呀
蝦子撈實在好得 難怪咁多人排隊
婆婆都大讚d麵好靚 而蝦子咬感好得意 飽飽就去行玩具店咯
由於我地諗住參加blog友仔halloween gathering
mami好努力幫titi搵造型衫
諗住福榮街會有啦 點知同灣仔一樣冇bb造型衫呀
噢 唯有買造型比自己先啦
mami好期待呢個halloween party 會見到好多blog友之餘仲有得扮
行行下有個美女stop我 邊鬼個呀? 噢 倩渝小豬媽呀 野~~
佢同佢honey兩個二人世界 真係sweet喇 倩渝媽 點解邊度都見到你嘅?
尖咀撞到你 荃灣撞到你 依家咁大條福榮街都撞到你.... 真係有綠喇
離開福榮街 我地衝左去西九龍廣場呀 去買baby羽絨
旅行社話十一月尾嘅日本唔洗著羽絨 但mami都係唔放心
去旅行多一件好過少一件 買定好d 況且羽絨咁舒服 可以比佢包住訓覺
之前去過所謂嘅尖咀羽絨城 staff好唔友善都算 仲要話冇bb size
唉 仲話自己係羽絨城 baby sizer都冇點叫城呀?
好彩yee ee幫我搵到一間有得賣bb size嘅shop 去到得返一件咋
諗都唔諗即買 二百蚊 都好抵丫 返嚟香港都仲著得
仲件褸仲好型下tim mami決定幫件褸做d手腳令佢更靚 哈哈
之後去左圓方 唉 得嗰間zara同h&m 好悶嘅一個mall
食左杯雪糕 買左乾蕃茄麵飽就閃人咯 有排都唔會去呀
去到冇野 點都影下相卦.....
累到不得了 titi仲咁好精神嘅 我地返去荃灣搵公公咯
一家人去左荃灣廣場食鐵板餐 好好味呀 好耐冇"鋸"扒喇
titi@餐廳勁無聊傻b樣
我地問titi返唔返屋企 titi攬實婆婆擰頭 噢....
咁好啦 titi渡多一晚假 而我同爸爸就落左旺角二人拍拖世界
行過一間新興小食 一小盒薯條 (芝士肉碎味) 賣三十蚊
哈哈 我地一路話貴 一邊比錢 可能好耐冇試過食d潮野喇 嘿嘿
揸住薯條嗰個moment 覺得自己變左個旺角青年 好開心呀
其實我都係2x歲啫 同個3字仲差好幾年 真係一個青年嚟架 哈哈
嘻嘻 mami真係好低b 好易滿足呢.... titi聽日先見咯
沒有留言:
張貼留言