十三個月大_titi識行喇

  十三個月至十四個月閒記

   

        好野 今日titi十三個月大 終於放手自己行喇

 mami好好好好好好開心呀 由想佢坐 想佢叫媽媽 到依家識行

全部都做晒喇 ... 見佢一步一步咁行 仲要叫住 "mama"嚟行

   嗰種開心 老土d講句 真係錢買唔到架

      titi一早訓醒 無啦啦自己衝過嚟我度 哇 mami驚驚呀

  之後全日都肯自己行 但唔會行好耐 慢慢嚟 titi一定得嘅 ^^

 

  國慶日 公公婆婆仲有yee e 聰少join埋我地去小欖bbq呀

     未去之前mami做左好多家務 充實完好開心 但很累 ~_~

    去到小欖 titi又想行喇 但今次喺室外佢嘅信心少左

  行得好少步咋 仲要見到我就想仆過嚟就算 懶呀

 

  

   對上一次去小欖都唔係好耐 mami特別鐘意小欖燒烤場近跳蚤市場

燒到咁上下可以去行下街 好多出口野賣呢 喺嗰度買左件泳衣比衰豬

今次我地都有買蜆 仲用蒜蓉牛油燒 超級好味呀 yeah~

 

   公公同婆婆都唔係燒嘅 比titi點去呢度點去嗰度 唉 激c人

 如果四大長老一齊去仲橙 四個都冇得食 比隻衰豬點三點四呀

   

 

 

   

     

  

  

   

   

    除左泳衣 titi仲買多左隻虎虎 之後仲攬到佢實一實呢

  mami第一次見佢同毛公仔咁老友架 仲 friend過同elmo生呀

   同場加眏 titi要買醉啊

     

 

 

  

     

燒到七點幾 就拉大隊上yee e屋企坐一陣 titi再次喺度跑嚟跑去

 仲周圍搵人同佢hide and seek 可惜得公公睬佢咋 哈哈

   返屋企 經過東廊 哇 有煙花呀 mami話 " 哇 bow呀" titi就跟住我講 " bow"

       mami又再有驚喜 titi識講 " bow"!!! 仲發音好清楚呢

       個衰豬繼續 bow bow bow... bow到返屋企

    A nice day!