十二月十三日
二十八個月至二十九個月閒記
阿Ti從小到大 對運動好有興趣架
游水 打波 總之有得玩嘅都啱
可惜 tima愈嚟愈覺得佢係運動白"ti" 好難喺運動方面培養佢
bb嘅時候唔識爬
大個d 行都行得唔穩
到依家連跑步都好多時失重心 會跌架!
親戚朋友話佢腳長 所以特別論盡 但tima就覺得唔係
而佢真係冇乜運動細胞 哈哈 依家係 唔知第日大個仲係唔係呢?
好似踩單車 阿ti小姐學嚟學去都唔識
淨係識坐喺度 望住tiba同tima 有時傻笑 有時好似好比心機咁
教晒佢點踩架啦 都係唔識
囡呀囡 究竟係你唔想踩 定唔想學踩呀? 唔好玩阿媽喎!
兩歲人仲唔識踩單車 好快d學喇!!!!
唔好睇佢好似踩緊 實質架車郁都冇郁過呀!
tiba出埋朱古力維他奶 佢都唔肯踩下架單車
唔忍心嘅tiba最後都比左佢飲一啖 睇下佢幾爽 哈哈 反晒眼咁!
收返包奶 佢咪始終唔肯踩...... :P
HAHA...運動白痴...我都係啦... 細時無學踩...都係到十二,,三歲先學... 學校運動...基本上全部都無興趣... 但...玩其他我又大把energy ...
回覆刪除[版主回覆12/21/2009 22:12:00]真係搞鬼 我都唔知佢點解咁懶 踩一下都唔肯
人地兩歳咋嗎，阿媽你吾好咁話人啦，我女大過佢都未識！只係識向後行！哈哈！
回覆刪除[版主回覆12/21/2009 22:11:00]向後行都好 佢連郁都唔想郁呀 一d都唔活潑 哈哈
haha............兩歲仲好細架，唔好真係以為大個女先得架。
回覆刪除[版主回覆12/21/2009 22:11:00]哈哈 咁人地見到好多兩歲都識踩嘛 嘻嘻 佢真係運動白痴嚟喇
如果要保護子女的網上安全，家長應關注子女的上網習慣，並引導子女在網上做好自我保護的措施，便可以 安心讓子女在網絡世界中暢遊了 。如果想知道更多上網小貼士，可以來 http://be-netwise.hk/ 看看丫 ^^
回覆刪除ALVIN都唔識踩架, 都係扮踩, 鬼咩, 佢都唔係好夠腳長, HAHA!!!
回覆刪除[版主回覆12/22/2009 19:24:00]係咩 我成日都以為alvin識踩架!!!!
單車好靚呀!
回覆刪除唔知係咪而家啲三輪車設計唔好，晴晴都係踩唔到架，反而兩輪單車(加輔助轆個種)，佢就踩到。
回覆刪除