香港真光中學幼稚園
自從知道St Margaret收左阿ti 都冇再諗喺真光留位
因為st paul同瑪利曼呢兩間學校真係tima嘅心水 雖然唔係最top嘅學校 但論名氣校風學術呢幾樣野都好足夠 最緊要係津校唔洗錢
而真光嘅小學要收錢 (收足六年) 收錢得嚟又唔似得paul con同聖心咁有名氣咁理想 仲要有好多人話真光係band one尾... tima就覺得唔係太值...
學校話18號會收到信 但到二十一號先收到 所以有d在意點解仲未收到
收信始終緊張 一開? "本校報讀人數眾多... waiting list"??? 有冇搞錯呀? 嗰日佢interview咁好表現...心有不忿呀 但唔緊要啦 還掂都唔會留位 仲好啦 諗少樣...
tima嗰晚喺度諗 真光都唔係多人見 仲要d小朋友質素都算高 點解阿ti入唔到呢?
第二日嘅中午 有個女人打比tima 話真光有offer比阿ti
????吓 ?
tima : 我琴日先收信話waiting list 今日你話有位? 乜d學生咁快註冊架咩? 你地咁快知有位淨架咩?
女人 : 係呀 有offer所以打嚟通知你咯 唔係waiting list喎!
tima心諗 (下 好似冇答過我問題 明明行政上錯左 都仲喺度逃避喎!!!! 同埋tima未見過有學校會打電話通知學生有offer 笑爆)
女人 : 我再confirm下先....係呀 你囡囡有offer 今次打嚟通知返你...
tima : 我諗冇需要喇 我唔會揀你地學校lu 唔該晒
到依家都唔明 到底邊次係真 究竟佢一開始收左阿ti 定真係waiting list? 初初睇d blog友話學校會搞錯都唔信 依家信到十足 點解可以咁亂嘅?
點都好喇 我地慳返幾百蚊留位 哈哈! (如果佢封信收阿ti tima有機會比住留位費先架 可以再諗下嘛)
咁佢可能真係搞錯啦，即刻打返來通知你，但係你封信都遲收，仲要你收左信先打來既？不過無所謂啦，有間咁好既收左阿titi！
回覆刪除[版主回覆12/28/2009 18:49:00]我一向都係一個好客氣嘅人 (對住學校呀 公司D人) 嗰一刻真係想"小"佢呀 玩咩
仲要唔認錯 喺度避 ...
一件笑事
我都覺得應該係佢地攪錯呢, 又唔認錯打黎扮野, OHNO...
回覆刪除[版主回覆12/29/2009 18:58:00]真係唔知呀 但佢收左線之後我有少少反感...哈哈 都唔緊要啦 過左去咯
我覺得..搵幼稚園真係攪到我頭都大又痛... ..其實TITI咁叻女..讀邊間應該都冇問題
回覆刪除[版主回覆12/29/2009 18:57:00]佢唔係好叻呀 嗰日去st margaret 好多小朋友都好smart 嗰陣我先知原來自己個女都算好醒
但嗰次之後 令我更加覺得學校呢樣野 ok就可以 唔好求一d好top嘅 講緊唔係學生top唔top 而係我地家長都唔夠人地嚟呀 大佬 哈哈
HAHAHA仲好呀,唔洗個心掛掛,另外兩間好d呀~~
回覆刪除[版主回覆12/29/2009 18:55:00]都係呀 但真係諗唔明點解會咁呢 ?
恭喜
回覆刪除[版主回覆12/29/2009 18:54:00]? 慳返?
St. Margaret 呢間學校好好架，TiTi咁叻女真係抵鍚!
回覆刪除如果將來彤彤都可以讀呢間就好喇!
[版主回覆01/01/2010 00:56:00]加油呀 我諗唔係金豬年會好好多 人少d嘛 一定可以嘅
新既一年頭炮好消息~~話說尋日St. Margaret校長打比我,AM班有位呀~~~9月返學就近好多,囡囡唔駛咁辛苦坐長途車lu!唔知會唔會同談小姐一班呢?
回覆刪除