Private blog : 面試第二戰 (Private Page)

十二月五日

二十八個月至二十九個月

 

戰情(一) :   

St Margaret Mary kindergarten

天主教聖瑪加利大幼稚園              

一所很美的幼稚園 座落跑馬地 附近有一所好宏偉好靚嘅教堂

好耐之前 好多謝一位blog友介紹 令我接觸到呢間學校

呢間學校最有特色嘅地方係 可以去到好多band one頭嘅名氣女校 跑馬地St paul同埋瑪利曼 仲有聖心!!! 除左呢三間 其他派位都非常好

喺小學同中學方面 好多人都會比較銅鑼灣 跑馬地呢兩間 在於tima立場 兩間都係爭在名氣 paul con要比錢 而另一間聖保祿唔洗錢 兩間都係band one頭嘅學校

除左呢兩間st paul係媽媽心頭愛 聖心同瑪利曼當然係一個very very good choice啦 唔洗錢嘅傳統名女校 現實d講 如果讀到津校 慳埋嘅錢都夠比阿囡做首期咯 呵呵

      

From : http://www.stmkg.edu.hk/html/frame.htm  (圖d字細 請參閱校網)

返工對住一個鐘意睇數據嘅老細 tima都變得數據化 喺smm嘅網頁睇 喺裡面嘅女生讀到聖保祿天主教小學同瑪利曼真係佔一個好滿意嘅數字 差唔多絕大部份嘅女仔都讀到st paul同marymount  或者咁睇 將人數扣取男生 淨返嘅女生得幾十人 st paul加瑪利曼再加聖心都六十幾人 大家明白了吧...

如果媽媽細心d 就查到點解呢間學校派位咁好...

呢間學校嘅申請表有得寫介紹人 我地名正言順寫低天主教嘅介紹人落去 呢個介紹人份量十足 希望可以幫一幫手啦

Inerview當日好誇張呀 真係好多好多人 我地都已經in晏晝 仲有咁多人嘅?

後嚟收風 收表有差唔多二千人 tima嘅心一沉 又咁多人? 但點都好 都要in左先...

 

首先交表 老師安排我地喺playroom玩 之後一批批叫名 叫名之後 去到一個好大嘅課室 嗰度有五個老師喺度做緊interview 初初tima都唔明點解 後嚟先知d老師想測試下小朋友專心程度夠唔夠

終於到我地喇

阿ti離遠同老師say hi 

tima同阿ti講呢個x老師呀 阿ti叫 : y老師! (y老師係依家學校嘅老師名)

x老師笑了問tima :  哈哈 佢係唔係叫左依家讀緊學校嘅老師呀?

tima答 : 係呀 唔好意思呀 佢返學太投入喇 返到屋企都成日講學校d野

老師點點頭 : 咁都幾好喎 ...(老師指住阿ti申請表嘅相) 呢個邊個嚟架?

阿ti : 呢個我嚟 談諾兒

老師摸摸阿ti嘅頭 : 係喎 你好呀諾兒 諾兒呀 檯度有塊膠 膠上面好多窿窿 呢度有棍棍 可唔可以將棍仔插落d窿窿度?

阿ti好爽咁答 : 好呀 (拎起藍色插落個窿一邊自己講) 藍色! (再插綠色一邊講) 綠色...紅色 黃色

阿ti一邊插一邊講顏色 老師好開心 : 哈哈 唔洗test顏色lu 諾兒自己都講埋

老師開始問tima問題 :

點解揀呢間學校?

對學校同小朋友有咩期望?

平時邊個照顧諾兒?

一邊問嘅時候 再攞左個keychain比阿ti插keys 阿ti都做到

老師最後一望介紹人嗰一欄 : 噢 你係xxx介紹嚟?....e 你揀上午班喎 但如果上午班full左 下午班ok嗎?

tima嗰一刻好唔開心呀 佢咁講就算有offer都係下午班啦 阿ti嘅表現真係唔值上午班咩? 今年真係咁多金豬報名? tima心裡無奈 強顏歡笑 : 都冇問題嘅

老師合上file對住阿ti笑 : 咁冇問題架喇 下次見!

哇 下次見呢三個字可圈可點 再諗埋下午班呢一點....都係唔好諗咁多 還掂好快放榜啦

**** 聖瑪設施真係好好 地方大 校長夠"face 老師們都好友善

**** 聖瑪同寶血同係跑馬地幼稚園 佢地嘅小一派位一比之下 好多家長都會識揀

**** in聖瑪嗰日嘅家長 唔係miu xxx就praxx唔係praxx就chanxx 個個去飲咁

**** 聖瑪係tima第二心水學校

**** 好多謝嗰位介紹人 如果冇佢 可能連下午班都冇機會

**** 最後 希望有上午班啦 ...但諗諗下 如果有offer都好好喇 都係唔好咁貪心!

                        

             

                                  仲有兩場interview 阿ti加油呀!