首回之後就最終回? 哈哈 
冇錯 鬼叫去得半日咩!
食完洪馨椰子雪糕 好快經過一個公園仔 裡面d塗鴉好靚呀 我地去玩左一陣 
大家都玩得好開心呀 唔知點解澳門咁鬼多健身設施架呢?
除左孖寶之外 聰少同我合照嗰個小天使都好得意 我媽子好鐘意呀!
阿公 你得唔得架? 唔好見我同yeee玩你又走去玩埋一份先得架!!!!
另外一邊仲誇張 聰少露一手!!!!!!!
媽咪就周圍影人地d藝術野 又真係好靚嘅! 我都好鐘意畫畫畫架 但媽咪成日唔比我畫....
佢地喺度玩無聊 我都想參與 但唔夠高 真係要食多d野先得喇
玩夠未呀? 我地仲要出去食晚餐架! 今晚book左食魚翅 媽咪興奮到不得了!
經過議事亭 我見到嗲地媽咪要求婆婆幫佢地合照 估唔到佢地唔預我 我好嬲呀!
我走過去要求去洗手間! 就喺洗手間門口 我地見到澳門d糖水原來咁平架喎
我諗佢地政府送糖比市民 d市民有排都食唔晒咯....
再經過議事亭 今次媽咪終於要求我地影全家福喇 好開心
yeee話 一 二 三 笑!!!
差唔多六點 我地喺聰少提議下 行下新八佰伴呀
行完之後 大家都話 完全冇野行嘅?
離開八佰伴 我地去坐新濠天地嘅free shuttle bus過返去氹仔食晚飯
哇 架旅遊巴好靚架 仲有lcd小電視 真係好過坐的士 哈哈哈!
到左新濠天地喇 依家澳門太多酒店喇 多到唔知邊間係邊間
仲要間間都咁靚 搞到人地都唔知住邊間好 媽咪成日話下次住mgm喎...
新濠天地個賭場遠睇好靚呀 我好幾次想去 但點知比yeee捉住左
一去到大門口就見到呢個水簾幕 有條美人魚會出嚟 好立體好得意架
因時間關係 我地冇去到龍騰呀 但聽d人講話一般 所以都冇所謂啦...
離開新濠 我地打的去官也街喇 一落車就見好多人呀
好彩我地有聰少book左位先有得食咋 我地分兩轉食
第一食禮記魚翅 之後第二樣食誠昌蟹粥
好耐冇試過特登出去食翅喇 唔環保嘛
但咁遠嚟到澳門 唔食一次又好似對唔住自己喎 於是...
叫左雞煲勾翅 個湯好清好好味 但聰少話陶陶居好味d
咁下年就試陶陶居啦 上年復活節得我地三個 冇去酒家食翅tim呀
我都有食翅呀 好似d粉粉咁咋嘛 都唔明點解咁貴
都唔明點解媽咪食到咁開心反晒眼咁呀....
食食下翅 聰少就衝去誠昌同老闆攞位 話我地九點去食粥喎
媽咪就襯等誠昌嗰陣買佢嘅最好 莫義記喇
唔洗問 梗係好臭嘅榴槤雪糕啦 仲有木槺布甸tim呀 肥c你呀!!!!!
睇下 老闆比我地九點有位食粥都算好好咯 所以唔介意等一陣啦!
一去到就即叫兩樣野 蟹粥同鯪魚波波 好好味呀!
d波波係咁比人搶 聰少食完之後喉嚨痛呀 梗係啦 d波波好熱氣架!
所以我淨係食少少 媽咪都係食左一粒咋...
遊記去到呢度 都完喇
我地坐金光返屋企lu 
下次嘅遊記 地點如無意外係去長隆lu 到時titi再同大家報告啦 大家要掛住我bor!
如果今次澳門遊記唔夠喉 就睇返09年復活節嗰次澳門遊記啦!
bye bye ya!
沒有留言:
張貼留言