四月七日
三十一個月至三十二個月閒記
今日阿ti特別精神 冇懶床 因為知道同表叔去迪迪尼做一日VIP嘛!
由於我地誓必攞到VIP掛牌 所以十點鐘就要到迪迪尼...哈哈 咁早餐唯有將就下啦
買左個豬仔飽比阿ti (佢至愛) 佢居然將佢凌遲處死...飽啊飽 你好可憐啊~~~
接完姑媽 去到迪迪尼都十點喇 所以門口都冇影就直接去小鎮大街攞徽章
Yeah!排左一陣 成功攞到三set 阿ti同表叔都可以掛住喇! 唔知係真係有星級款待呢?
喺我地攞vip徽章時 佢地跑左去同Daisy影相 阿ti仲同Daisy玩左一陣tim
同Daisy跳跳舞 轉呀轉 之後就攬攬...
Hehe, Tima就係知道個vip徽章係黃色 所以幫阿ti著粉紅色 襯得唔錯!
仲同Daisy好襯tim呀 ... 大家都有"香雞火柴"腳 哈哈哈哈哈
由好驚公仔到依家好興奮要求合照 阿ti真係大個女喇...
拉埋嘉言再嚟一張先 笑下啦!
樂園嘅每一個角落都唔放過 手拖手 玩完一樣再一樣...
姑媽同姑姐都嚟一張城堡相先
兩個小朋友都嚟一張先...
奇怪 今日冇camera man喺度駐守喎...
今日發生三件奇事 三個迪士尼員工唔同地方 唔同時間 都當tima係外國返嚟嘅
係咁講英文 之後知道tima係香港人 仲話tima似鬼妹仔...都傻嘅 成頭黑髮 最多似竹昇啫 邊會係鬼妹呀!
tiba同tima冇去坐 等姑媽同姑姐陪你啦...
終於見到喇!!!!!
嚟咁多次disney 終於見到princess喇 仲要一次過見四個tim 開心死阿ti
排緊隊嗰陣 已經諗緊同公主們講咩好呀 一落地就衝過去...但企喺公主前面 即刻變到好斯文 動作都慢晒
公主們見到阿ti都好開心 係咁 : oh sweetie呀 baby呀
仲逐個要求同阿ti抱抱 阿ti笑住咁抱佢地 仲有秘密講tim呀...阿女幾時識聽英文架?
佢一邊笑一邊點頭 哇 真係斯文到暈...佢最鐘意係阿belle同阿white
搞笑呀 呢張好似四個公主收工, 禮成咁
好野 大家都可以收工lu
Tima死都過去影返張先 tiba就喺隔籬笑....
臨走嗰陣 阿white攬多次阿ti 仲整左個香吻比阿ti 哇!!!!! 發達喇....
唔該快d抹左佢!!!!! ~_~
可能太早入去喇 所以初初好少人玩 我地好輕易就玩左pooh pooh...
兩個無聊父母 你叉我 我叉你 咁就相處左八年幾喇....
Tiba話我地冇浪漫 但有激情 哇哈哈哈哈!
等show先 出面落雨嘛 呢個3D Show阿ti睇左好多次 到依家都未係好enjoy
但總算唔會話驚唔睇嘅...
星級款待又話有cin姐陪坐木馬嘅? 都冇.... 次次行過都唔見有呀! 搵笨!
冇cin姐陪 等tima陪你啦 嘻嘻 一樣啫
今日真係幾大雨呀 睇下地下就知道
雖然大雨 但我地行得好舒服 好涼爽 總好過大熱天時過嚟玩啦...
行行下 阿ti搵表叔....
手拖手 佢地又去睇golden mickey
睇完golden mickey 嘉言同阿ti玩垃圾金條 (mickey show出嚟個個小朋友都執到一大推噴條...)
本來佢地執左一大堆金條 玩下玩得返一條
玩夠未呀? tima肚餓喇 一於去開餐
好多餐廳都排晒長龍 唯有食返food court喇...
又係最抵食嘅牛扒飯...悶...幾時會有新野出呀?
tiba :悶 你又影？
tima :嘻嘻...
飽飽 佢地去玩space mountain 我地就去搵巴斯光年
之後去埋史迪仔show...
玩左半日 終於知咩係星級款待啦!
玩完小小世界 出嚟見到木偶仔 佢送左個星級邀請咭比我地 好靚架...可以扣埋落徽章繩度 有兩個牌喇!
我地終於唔止得mickey一個牌牌 好野!!!
沒有留言:
張貼留言