四月二日
三十一個月至三十二個月閒記
halo! 又係我談titi 我仲未放完復活節假呀 好開心!
今年爸爸媽咪仲特登請假陪我玩晒成個復活節假 多謝! 可以玩足十日lu....
假期嘅其中一日 我地一家人去左澳門玩
媽咪好比心機plan好一日嘅行程 點知 我地淨係玩到半日咋
本來坐金光飛航 變左金光回航....話說....
媽咪好開心咁抱我過關 差唔多到我地嘅時候 媽咪面色一沉 輕聲同我講 : 死喇 媽媽冇帶你本passport呀!
噢! 冇可能架 媽咪點解咁失策呢? 一d都唔似平日嘅你 (後嚟佢解釋 淨係掛住帶身份證 唔記得對相呢樣野)
入左閘嘅嗲地同海關交代事件 陪媽咪去辦手續....公公婆婆聰少同yeee去玩住先...喺嗰一刻 我好失望呀 喺咁望住佢地 佢地走喇 我地都唔知有冇得去...
媽咪周圍問 問左半個鐘先改到船票時間咋 (原來船公司唔一定同你轉 我地嗰日算好好彩 假期咁多人都肯幫我地轉 唔多唔少都靠媽媽嘅口才 初初哥哥唔轉架 話冇位...)
幾經辛苦 轉到一點四十五分嘅船票 媽媽知道轉到時 仍然好唔開心 喺佢同我搵廁所時 我見佢嬲自己嬲到忍唔住喊 (爸爸見唔到呀 heeheee)
我望佢好耐 唔知講咩好 唯有幫佢抹眼淚 : 唔好唔開心啦 開心下啦!
估唔到我呢番話有用喎 媽咪對我笑喇!
之後我地三個坐巴士返屋企食早餐 休息一陣先再出門口lu
哈哈 可能太攰喇 今朝一切事情來得急 來得驚險 大家都好攰
我第一個未上船就訓左 得返嗲地媽咪自己傾計打機...呢個時候 唔知公公佢地做緊咩呢?
嗲地一句都冇話過媽咪 搞到媽咪更加難過 唉 唔緊要啦 澳門啫 唔係澳洲!
去澳門之前嗰晚 佢地去百佳買snacks 其中一包係冬天限定嘅熊仔餅 係焦糖味啊!
佢地lunch都冇得食 唯有食呢包野頂下肚啦 至於我呢? 冇食過lunch呀! (訓左覺)
到左澳門 過左關 (都算快) 我地一支箭坐永利shuttle bus過葡京 再坐的士去議事亭join佢地
哈哈 見到公公佢地喇!!!!
佢地驚我地肚餓 買左個m記餐比我地 真係好喇!
食少少 就拿拿聲去第一個行程 大三巴!
今日雖然多人 但都算行得舒服 唔太迫 婆婆話今朝落大雨喎 佢地去左賭場 咁都好d 我地冇打亂佢地行程計劃
我第二次嚟大三巴喇 好野!
見唔見到我右眼腫左呀? 比蚊蚊咬呀 好痕好腫! 呢樣係媽咪另一件唔開心嘅事
哈哈 我又叫媽咪帶親子袋 我真係好鐘意titi袋架 媽咪就用媽媽袋咯
yeah! 我係遊客嚟喎 跟住嗲地媽咪遊世界 嘆世界!
我錫晒你地 你地都好錫titi啦! 期待去美國玩 到時一定好開心啫!
行完大三巴 媽咪知去唔切路環買安德魯葡撻 唯有試下鉅記啦
一試之下 佢反反眼 : 冇得比! 但好食過kfc嘅..
啍 媽咪真係好鬼咀"雕" 比你激屎
個葡撻都未食完 就行到玫瑰堂 今日行過教堂見大門開左 就入去參觀下
好靚呀!
全間聖堂都白色 好靚呀 佢地話歐洲d教堂仲靚 可惜我未去過 唔知嗲地媽咪會唔會帶我去呢? 不如帶我去一次啦!
佢地好衰呀 爭d想去扮告解 唔得架! 公公鬧佢地 佢地先知難而退...
鏡頭一轉 佢地想食蝦子撈 不二之選梗係祥記啦 但今日假期一定好多人
媽咪心思思就試另外一間出名嘅 黃枝記
佢地叫左蝦子撈 雲吞麵...一試之下 話no next time!!!! 我都食左一啖 真係 ~_~
氣沖沖離開黃枝記 我地決定搵洪馨解怒氣 點知行過見到金馬輪 一於試下佢個豬扒飽先 一試之下 大家都覺得好好味!!! 下次唔洗排大利來喇 基本上差唔多咋
媽咪仲買埋個朱古力糕 我一食都難忘啫 嘻嘻 勞煩聰少一邊抱住我一邊餵我食咯!
呢個大豬仔飽吸引好多人拍照 我去篤左一下 真係飽飽嚟架!
由於未食lunch嘅關係 媽咪同嗲地都餓狗搶c咁 哈哈 你睇下媽咪食到幾樣衰!
佢一知洪馨未關門 興奮到爆炸!
不枉行咁遠路嚟 佢地嘅椰子雪糕真係巧巧味 搞到大家都搶住食
唔甜好香好夠味! 嗲地買完得返六杯咋 我地真係好好彩!
講到呢度 我好眼訓 下次再講啦
等我呀!
沒有留言:
張貼留言