快乐游长隆 ಇ 香江野生动物世界(上)

五月八日

三十三個月至三十四個月閒記

 

 

                      母亲节快乐游长隆

                               ಇ

               香江野生动物世界(上)

 

我地撘嗰d接駁車 好快就到左香江野生動物世界喇!

媽咪話嗰度好大架 所以佢一早做左功課 加埋聰少嘅配合 我地玩得晒成個樂園呀!

動物園有bb車租 二十蚊一日 但好dirty 媽咪唔敢租呀 所以今日聰少抱左我全日咁滯 真係辛苦晒 希望冇嚇親佢唔敢同我再去旅行啦

我地由南門入 一去到就見到白老虎哥哥企左喺度喇 我梗係唔執輸走過去啦

行一陣 就見到熱帶雨林區 有好多火烈鳥同鶴呀!

今日天氣好好 唔曬又冇落雨!

呢d火烈鳥喺香港嘅動植物公園都有見過 但冇咁多呢

離開熱帶雨林區 我地去到親親bb虎嘅地方

媽咪好厲害呀 本來怕動物嘅佢 因為我一句說話 就拍心口去抱老虎陪我影相...

佢一邊影一邊話好驚 我就唔驚喇 我都有抱佢同摸佢呀!

影完bb虎又見到好多鶴 我跑住過去大叫 : birds!

喺老虎仔對面 有好多鸚鵡 好得意呀

但我好驚喎 好驚佢會咬我 所以我叫媽咪快d走呀!

哇 仲有咁多 我真係好驚呀! 媽咪 快d走啦!!!

跟住 我地去到羊羊區同金牛福地喇!

之前我都有餵過羊羊 但今次明顯大膽好多

d羊羊同我地鬥扯 都未驚過 哈哈 聰少仲拎棵草去引隻羊羊tim!

羊羊對面有隻好好好臭嘅犀牛呀

佢有跑嚟跑去 好得意架 可惜太臭 我地企一陣就頂唔順喇..

哇! 好多馬騮呀 我要餵 我要餵! 媽咪去買apple啦!!!

哈哈 咁大袋生果 我地冇人成功餵到馬騮呀!

 

話明金牛福地 真係有好多金牛呀 佢地都係臭臭地 所以我都叫走...

原本有諗過去睇show 但媽咪上網話好悶 所以擱置左喇...

唯有喺出面望下啦...

好快 好快...

嚟到百虎山 呢度真係咩tiger都有 好多好大隻...

我地仲睇埋老虎表演跳水tim 好可愛架!

首先去左老虎場館先...

睇睇下比人拉住左 救命呀!!!

我要落台喇 放手!

離開老虎表演場館 d老虎大叫 我好驚呀!

嚇到即時掩住對耳仔先...

百虎山d老虎仲好大隻tim

佢地行過真係嚇到人架!

我地去埋虎穴 裡面有d咩?

有隻老虎乸餵bb食奶呀!

我地仲去埋老虎bb天地 幼兒中心...

D baby好開心咁周圍走架!

離開百虎山 我地去攞其他動物 仲坐小火車遊動物園呢...

再見喇 百虎山...喂 你地兩個bb唔好打交呀!!!!