快乐游长隆 ಇ 出发篇

五月八日

三十三個月至三十四個月閒記

 

          母亲节快乐游长隆 ಇ 出发篇

又係我談titi出場喇! 一見到我就知我地去旅行玩啦!

上次澳門一天遊未玩完, 媽咪就plan好左陪我去睇動物喇!

可惜香港得個動植物公園, 冇大型動物園, 媽咪想近近地同我去都唔得...

 

有一日, 媽咪一早吵醒我, 要我去拎回鄉證喎... 原來佢想帶我返祖國嘅動物園玩呀!

有得玩梗係好啦 但係媽咪要求我學識好多動物嘅英文先有得去...

經過一個星期, 我學晒喇! 媽咪好開心, 於是, 我地就可以開開心心咁去長隆玩lu!

去長隆嗰日係母親節, 出發嘅有婆婆同媽咪, 真係啱晒啦!

出發嗰一朝,發生好多倒霉嘅事呀 搞到媽咪好down好唔開心

好彩, 後嚟大家都玩得好開心啫...

媽咪揀左永東嘅自遊行package, 真係好抵呀! 包埋來回巴士架!

佢地座位安排得好好 有劃位 唔洗爭 唔洗迫

同埋佢地架車好舒服架 兩程車嘅司機都揸得好定 值得一讚

衰就衰在我自己 成日形住自己唔舒服 加上有少少暈車浪 嘔左幾次呀...

媽咪喺我唔舒服嗰陣 仲攞d零食出嚟引我

喂! 講明做宵夜架喎 唔準偷食呀!!!!

幾經辛苦 (佢地d大人話好舒服) 我地到左酒店喇

坐巴士有個好處 就係點到點 唔洗同國內人迫

間酒店真係好大好靚架 大家都好滿意呢...

我地喺香港八點出發開車 去到都係十一點

居然冇咩人排隊check-in 估唔到星期六會冇人嘅...

媽咪check in 聰少就帶我去bar度睇白老虎 一見到白老虎 我就精神晒喇!

媽咪仲一直擔心我要返香港tim...點知我到左長隆就冇嘔喇!

check-in之後 個姐姐話未攞得房 要兩點鐘先有key 於是我地就去醫下肚先

我地去左間叫"彩蝶谷"嘅餐廳 之後好多餐都喺呢度食架 價錢同品質都成正比嘅

一坐低 婆婆就好細心比杯水我 飲完我就識笑喇 舒服晒! 我唔鐘意坐長程巴士呀!

長隆酒店比我地嘅印象好高分架 淨係d杯杯碟碟都好靚 簡單得嚟好靚

仲有呀 次次食飯我都有bb凳坐 食得好舒服...

我地叫嘅雖然唔係咩特別美食 但每款都好精緻 好好味呀 價錢仲唔貴 可惜要加15%服務費 同埋十蚊茶錢...

有日式牛肉烏冬

雲吞河...D河粉厚身d 好好味架!

煎餃子

乾炒牛河...都ok

揚州炒飯...得個樣 d飯好硬架!

一級棒嘅排骨陳村粉

陳村粉有幾好食 睇下媽咪有幾失禮就知啦!

食飽飽都未到一點 時間好好用 可能少人嘅關係啦...

於是我地決定唔等攞房喇 寄存好d行李 就向動物園出發!

長隆酒店有好多接駁巴士去附近嘅樂園架 所以去邊度玩都好方便

今日我地要去香江野生動物世界 等左一陣就見到巴士喇....