快乐游长隆 ಇ 新长隆酒店

五月八日

三十三個月至三十四個月閒記

 

         母亲节快乐游长隆@新長隆酒店

 

睇完大馬戲 大家都好攰喇 攰之餘都要醫肚... 

睇馬戲嗰陣食左雞脾同少少零食 加上都九點 大家都食唔落咁多野 所以淨係去食d粉就得喇 於是我地去返彩蝶谷...

好喇! 食飽飽等我帶你地去參觀酒店房間啦!

今次我地住狩獵房 除左狩獵房 仲有星光房啦 野趣房等等 本來想想揀野趣房(有露台可以見到庭園d動物) 但人地話個露台未必見到動物 同埋太熱唔會行出去 所以最後揀返狩獵房...

媽咪check in嗰陣要求要連房 可以比我走嚟走去 特別開心架! 後嚟中間道門長期開住 可以成日見到婆婆同姨婆呢....

張床好大好舒服架 呢間酒店真係好好

d人又話酒店唔提供牙刷 都唔係嘅 咩用品都齊晒呀!

除左有浴缸 仲有花灑呀 你睇下天花嗰度有個瀑布式花灑tim

個浴缸夠晒深 用嚟玩泡泡浴最好喇 一路浸仲可以一路望電視呢

我好想浸泡泡浴呀 媽咪係都要我影完相先有得玩 我唯有敷衍下佢算啦...

哇! d泡泡好多 同埋可以發到好高呀 真係好好玩

我同媽咪一齊浸 媽咪見我笑得好high好開心 本來想影我video架 奈何對手沾晒泡泡 哈哈 唯有enjoy only no pics啦...

下面呢幾張係媽咪未落浴缸之前影架喇...嗰時我仲未瘋癲 嘻嘻!

媽咪喺長隆都買到野呀 就係親子tee喇 冇baba份 得我同媽咪 一人一件各三十蚊 都好抵丫! 我地著住去睇馬戲架!

玩到十一點 我仲未肯訓

換左公主睡衣 喺酒店房走嚟走去 一時喺媽咪張床度玩 一時去左婆婆張床度 一時去左洗手間tim 我真係好好好開心呀!

媽咪話我住咁多次酒店 最開心都係今次喇! 可能間酒店真係好靚啦!

          

可惜 唔想訓都要訓啦 各位早抖啦! 聽日一早仲有節目呢! nite nite...