踏上公主之路

五月二十九日

三十二個月至三十三個月閒記

 

                      知道迪士尼有呢個活動好耐架喇 一直冇諗過參與

                       直至有一日見阿ti話想扮cin姐要買裙裙 靈機一觸

                               一於book迪士尼嘅"我的小公主"攝影啦

 

                               幾百蚊包化妝 包set頭 包套裙裙 都算抵

                            網上寫要三歲先可以玩 TIMA樣衰衰咁打去問

                       點知姐姐話OK喎 阿ti九十幾cm可以著到加細碼裙

                      於是 TIMA啦啦聲幫阿TI做booking 比佢做一日公主啦

 

                           

                             喺香港迪士尼酒店裡面 有好多個準公主誔生喇!

           

            

                            自從上次cin姐同阿ti玩得好開心 阿ti封左佢做偶像喇

                          依家做咩都話要cin姐 當迪士尼姐姐問 : 你想扮邊個呀?

                                                  阿ti四萬咁嘅口 : cinderella!

                           

                                    由姐姐擺公主裙上架嗰一刻 magic開始喇!

                            全間房都係閃石啦 粉紅色啦 好公主feel 阿ti好冧呀

                                     女仔始終都係女仔 真係鐘意d夢幻嘅野

                             

                         換好裙 阿ti等到好唔耐煩 阿姐姐 你等左三分鐘唔夠咋喎

                                      做公主要好好耐性架 你咁嘅樣真係趕客

           

                         

                        姐姐嚟喇 原來佢去攞假髮...阿ti同我地都一致同意要深色

                             

                                    大家都第一次睇阿ti上妝 唔知係點架呢?

                              

                             

                                              tima唔敢出聲 驚阻到姐姐化妝

                                            姐姐好有心機呀 幫阿ti整得好靚!

                             

                              

                                  畫眼仔 好緊張咁喎 仲比姐姐笑佢單眼偷睇...

                              

                             

                                       阿ti個樣嬲爆爆 但其實佢喺度偷笑架

                                    佢一向都唔係喜形於色嘅人 好低調呢

                             

                             

  

                              

                              

                              

                                      化化下 阿ti比人圍觀 仲有小公主過嚟tim

                               

                               

                             

                             

                             

         

                            

         

         

         

         

                             

                             

                              

          

                             

                             

                             

                              

                               

                                       化好晒 可以去影相咯! 仲要搵王子呀!