自家開心畫班 Lesson 1

六月二十日

三十三個月至三十四個月閒記

 

芭蕾舞tima就唔識教 但畫畫就可以教下佢 (d基本到唔基本嘅野)

同佢玩玩先 如果佢鐘意畫畫 返K1先比佢正經出去學

第一堂 阿ti學左咩係水彩 知道塗水彩會滴水水 唔可以好似畫筆咁一畫就ok

tiba唔肯理我地呀 我地喺度畫 佢淨係喺側邊望 其實tiba夠晒資格去教畫畫架 可惜佢選擇旁觀 唔肯落手去教 反而我呢d冇天份嘅喺度扮專家 難得阿ti覺得tima好厲害 成日報以傾慕眼神 嘻嘻 搞到成個人都"高"晒 沾沾自喜...

 

萬事俱備 哈哈 好似去返以前Art堂咁...

 

 

喺北海道買嘅麵飽超人工作裙終於重見天日喇 woo woo yeah!

 

大家跟住見阿ti幅大作 tima淨係幫手畫左太陽右手邊幾條咋 (佢隻手唔識轉彎)

其他都係阿ti一手一腳自己畫呢! 冇花冇假!

 

好有心機 好用心咁去畫...

 

大家有冇見過心心雲再加直線雲? 小朋友嘅創作世界係無限大嘅!

 

畫畫下 會要求Tima加黃色比佢咯

 

啡色嗰個實心正方形係屋屋嚟架喎!!!

 

e 開始亂嚟喇!!! Help 嗰pac黃色係咩嚟架????

 

做任何事都好專注...

 

有冇見到佢喺最下面兩條長藍色線? 係sea嚟喎

tima問 :下? sea嚟?

阿ti : sea係海嚟咯!

tima ~_~ : 我夠知啦 我係話唔似個海呀!!!!! 仲要間屋喺個海下面....Bear一聲...

 

 

 

 

好野 半個鐘後完成全幅畫! Tima評85分

全部畫畫tima都要好好收藏先得....(但好大張喎....)