六月頭完成
三十三個月至三十四個月閒記
六本好難完成嘅圖書啊!
難完成嘅原因係 : 阿ti好鐘意呢六本書 唔想還呀 哈哈!
呢六本真係好書呀 阿ti聽完兩次就可以講返個故事出嚟
書後仲好清楚話你知本書學小朋友咩架
阿樂的工作 : (家庭, 幫助我們的人)
阿樂係一隻狗爸爸 佢嘅bb成日覺得佢喺屋企好冇用 個個都返工返學 淨係得佢喺屋企呆坐 狗bb仲好卑視阿樂tim 有一日 bb終於知道 爸爸係會捉賊嘅勤力狗
阿ti聽完故事 識話爸爸媽媽要返工賺錢 自己要返學讀書 對家庭角色岡位好清楚!
唔知係咪tima收工返到屋企算早 阿ti從未扭計要求tima唔返工架! 可能去除佢返學 9:00 - 12:00 訓妟覺 14:30 - 17:30 tima得三個鐘唔喺佢身邊架咋 佢訓醒晏覺沖埋涼就見到tima咯 hehehe
英語重溫特擊抽問 : baby, dog, family, I love you, don't, open the door, close the door, food (All pass 全部記得)
彩色貓咪樂園 : (學校,顏色)
故事講有三隻唔同顏色嘅貓 佢地嘅書包呀 鞋呀 咩都同一顏色嘅
紅貓 藍貓 同黃貓一齊返學校喇 佢地擺錯書包 紅貓個紅書包擺左去黃色locker 黃貓個黃書包擺左去藍locker ...總之 大家都亂晒啦 放學先知擺左烏龍
Tima覺得呢個故事有d 亂 所以同阿ti講一次就唔講喇 點知阿ti好鐘意 可能同學校有關卦
tima利用呢個故事教阿ti做每件事都要睇清楚 諗清楚 咁出錯嘅機會就少d喇 仲開始要佢自己執書包 毛巾盒 水杯 體溫紀錄 毛巾袋 口罩 樣樣都要check tima有時故意拎走d野 阿ti多數都可以指出漏左咩野 有時都會大意呢!
英語重溫特擊抽問 : school, school bus, student, locker, shoes, sock, school bag, good morning, house, teacher , red, blue, yellow (all pass 全部都記得)
犀牛寶寶大變身 : (認識自己, 幫助我們的人)
犀牛寶寶好想搵份啱自己嘅工作呀 點知咩都撞板 到最後憑住自己嘅堅持 搵到自己鐘意嘅職業 原來唔需要特別變身都可以搵到啱自己嘅野架
好似阿TI咁 有野叻 冇野唔叻 tima慢慢發掘 再加以培養 K1至K2呢兩年係塑造小朋友最重要嘅兩年呀
tima問 : 你最叻係咩呀?
阿ti : 跳芭舞啦 返學啦 嗯 食好多飯飯啦 嗯 唱歌啦
tima : 你最叻唔係喊咩?
阿ti : 我冇喊喎 我唔喊架 識講野嘅小朋友唔洗喊架
tima心諗 明明一受委屈就會喊 一個愛逞強嘅小朋友...有好 有唔好 加以調教後一切會更好
小蝸牛送花 : (四季)
小蝸牛行得慢 送得慢 朵花去到目的地都死再重開咯
兩歲多嘅小朋友嚟講 佢淨係分凍同熱 有風同冇風 有雨同冇雨 阿ti識分春夏秋冬四個字 但其特色就唔知喇
英文生字 : rain , summer, winter, cold, so hot,
小星星坐魔術車 (交通工具, 動物)
阿ti最鐘意嘅一本書 故事講有個馬戲圑 佢地會用魔術車送動物返屋企 架魔術車會變船送海豚 變火車送老虎返森林 最後 原來小星星跌左落魔術車 於是魔術車變左火箭送星星上太空
阿ti好鐘意呢個故事 仲問爸爸車可唔可以變火箭? 又問如果星星住太空 咁buzz係唔係同星星住? 海豚幾時返海洋 幾時去海洋公園? 仲有好多問題 tima都覺得好精彩呀 哈哈
英文生字學習和重溫 : star, tiger, lion, car, plane, little, train, rocket, sea, dolphin, bear, boat, tree, jump, go to, space, buzz, when, where, don't cry
動物樂園 (動物, 音樂)
一班動物朋友組識動物音樂隊 次次表演都失敗 d觀眾都訓晒覺 最後牠們練習耐左就ok喇
tima話 : 唔夠高就食多d飯啦 唔識就問啦....
阿ti算係一個受教講道理嘅小朋友 自律 有e.q 但可惜佢有d自大 唔鐘意同細過佢嘅小朋友玩 唔合群...努力調教中 呵呵
英文生字學習和重溫 : music, animal, elephant, lion, tiger, piano, show, good show, sleep, school, sing, play, Don't give up
沒有留言:
張貼留言