英國倫敦 ♥ 大英博物館 British Museum

3 July 2012




終於到左daddy mami期待左好耐嘅大英博物館喇

佢地以前喺埃及睇唔夠木乃伊

今日可以回味睇返夠本

唔知呢度有冇 Queen Nefertiti 嘅展品呢?

要知道Mami當年因為喺埃及覺得 Queen Nefertiti 太靚 於是..... 

(下刪一百句  詳情再睇返之前嘅blog)

所以我個乳名先叫Ti Ti


講返博物館...

大英博物館又比人叫做不列顛博物館

係英國一間綜合博物館

裡面咩種類嘅展品都有

博物館擁有藏品1300多萬件 係世界上最大規模

亦都係最著名嘅博物館之一

雖然博物館好大間 但依然有好多展品因為唔夠位存放而未有展出





大英博物館嘅門前係拍盜墓迷城攞過景架 大家有冇印象?

mami就話好似ROMA嘅萬神殿 - Pantheon

大英博物館前合照 例牌排排企合照

呢d款嘅全家福已經儲左好多幅喇

第日排出嚟一定好搞笑呢

入去lu 呢係免費入場架 一去到門口已經幾廿件雕塑歡迎我地

所以領隊話呢間係 " 大拎博物館"真係冇錯架

拎晒其他國家嘅靚野喺度展覽

大拎...真係大拎.... 其實多國家已表態會向英國取回珍品


好大嘅大英博物館

佢嘅一部份以前係圖書館嚟架




下面呢d係咩像? 叫咩名呢?

本來mami話好想搵個答案post出嚟架

可惜後面太多行程未寫 唯有擱置....

如果你搵到邊個像叫咩名 邊個像打邊個像  請留言啦~~~ keke

大家準備好未?

我地要中度遊大英博物館喇

我都攞定本map先....

呢度d map有分收費同唔收費架  唔好拎錯呀!

呢塊係埃及羅塞塔石碑 Rosetta Stone

塊石係拿破崙喺埃及潰敗後

英國獲得嘅一批埃及文物中最珍貴的一個

石碑刻有埃及國王托勒密五世嘅詔書

石碑上刻有三種不同語言嘅版本

令考古學家解讀出埃及象形文字 係非常重要嘅文物

Rosetta stone亦都係館中之寶

大英博物館嘅紀念品店售賣好多Rosetta Stone嘅製品架

喺埃及博物館嗰塊Rosetta stone係A貨

呢度呢塊先係真架 埃及快d攞返佢返去擺啦 ~

呢塊石來頭咁勁

mami要好辛苦好辛苦先迫到入去睇同影張相咋



mami話埃及博物館裡面已經有好多展品

估唔到呢度收藏左咁多埃及嘅重要珍品

(上圖) 拉美西斯二世頭像呀!!

去到埃及成日都見到拉美西斯!!

我認得佢呀 mami!!!!

喺盜墓迷城見到佢架!!! mami幫我同佢影相丫

睇完盜墓迷城之後 我一直都好想去埃及

可惜daddy mami唔帶我去 依家喺度見到咁多關於盜墓迷城嘅野

呢個旅程對我嚟講更加加分呀 hooray~~~



mami後尾同我講 "呢隻野"叫 Lamassu 係大門守護神 (半人半獸像)

終於嚟到大英博物館另一寶嘅珍藏展館

希臘嘅展館

石雕 亦都係大英博物館其中嘅館中之寶

屬於希臘帕德嫩神廟- Parthenon 嘅石雕

mami喺書度見得多 估唔到喺英國見到佢地

呢幾件雕塑見證住古希臘人喺古時候已練得一手好功夫

有咩可能雕得咁靚? .



另外令人讚嘆嘅係隔離展館

神殿柱下嘅雕塑 一塊塊砌返出嚟

重現大家眼前 感覺好震撼 真係好靚

呢個咩住鴨仔遮嘅女人係喺英國嘅導遊

佢真係好勁架 次次search英國遊記都會見到佢

佢話我地係鴨仔團 所以佢會帶住把鴨仔遮guide住我地行

mami!!! 我見到好多埃及野呀
 
我帶mami睇下面張相嗰四個樽

我記得盜墓迷城話呢d樽用嚟放內臟架

mami讚我叻 話我好記性tim

木乃伊呀~~~ 喺廣州見過一次放木乃伊個case

但冇試過一次過見咁多真真正正嘅木乃伊

我好驚架其實.....

但難得可以同木乃伊合照 (hehe 大吉大吉 同條千年乾屍合照)

一於咬緊牙關 mami你影啦 第日可以返學做分享呀

見到呢個國內運過嚟嘅佛像

大家都應該行完呢個大拎博物館喇...



行完博物館 就去食飯

之後去左我成個旅程最緊要嘅地方 ....